Prezidenttik jastar kadr rezervine alynǵan 50 úmitker anyqtaldy

Búgin Qazaqstan Respýblikasy Prezidenti janyndaǵy Ortalyq kommýnikatsiialar qyzmetinde Qazaqstan Respýblikasy Memlekettik qyzmet isteri agenttiginiń tóraǵasy Anar Jailǵanova Prezidenttik Jastar kadrlyq rezervine irikteýdiń 2021 jylǵy nátijelerin jariia etti, dep habarlaidy "Ult aqparat".

Qazaqstan Respýblikasynyń Tuńǵysh Prezidenti – Elbasy Nursultan Nazarbaev pen Memleket Basshysy Qasym-Jomart Toqaev memlekettik apparatty jetildirý jáne jańa býynnyń ózin-ózi damytýyna qoldaý kórsetý máselelerine erekshe nazar aýdarady.

Qasym-Jomart Toqaev jastar kadrlyq rezervi - bul memlekettiń rezervi ekenin, oǵan qatysýdyń mańyzdylyǵy el igiligi men ony damytý jolyndaǵy jumystarmen bailanysty ekenin atap ótken bolatyn.

Qazaqstan Respýblikasy Memlekettik qyzmet isteri agenttiginiń tóraǵasy Anar Jailǵanova bul rezerv jas mamandardy memlekettik qyzmetke tartýǵa oń serpin beretinin jáne onyń maqsaty daiarlanǵan jáne yntaly jastar úshin áleýmettik lift qurý bolyp tabylatynyn atap ótti,

Ulttyq komissiia otyrysynyń qorytyndysy boiynsha 50 kandidat Prezidenttik jastar kadr rezervine alyndy. Irikteýge qatysýǵa barlyǵy 8638 ótinim alyndy.

Rezervshiler tizimine jeke sektordyń 18 ókili, kvazimemlekettik sektordyń 13 ókili jáne 19 memlekettik qyzmetker kirdi. Sonymen qatar, 24 adamnyń (48%) basshylyq laýazymdarda jumys tájiribesi bar.

Kandidattardyń 62%-y sheteldik joǵary bilimi bar, 38%-y qazaqstandyq joǵary oqý oryndarynyń túlekteri.

Irikteý jeńimpazdarynyń ortasha jasy 30 jasty qurady. Rezervte Nur-Sultan, Almaty jáne Pavlodar qalalarynyń ókilderi basym. 

Bul rette qatysýǵa ótinimder respýblikanyń barlyq óńirlerinen, sondai-aq shet memleketterden kelip tústi.

Qazaqstan Respýblikasy Memlekettik qyzmet siteri agenttiginiń tóraǵasy Anar Jailǵanovanyń aitýynsha, rezervke alynǵan úmitkerlerdiń biri qazirgi ýaqytta Belgiiada, Qazaqstan elshiliginde jumys isteidi.

Tsifrlyq tehnologiialardy paidalaný irikteýdiń ashyqtyǵy men utqyrlyǵyn qamtamasyz etti, bul jas qazaqstandyqtarǵa olardyń ornalasqan jerine qaramastan qatysýǵa múmkindik berdi.

Prezidenttik jastar kadr rezervine irikteý protsesiniń ashyqtyǵy qoǵam, buqaralyq aqparat quraldary jáne azamattyq qoǵam ókilderiniń qatysýymen qamtamasyz etildi.

Rezervke kirgen kandidattardyń tolyq tizimi Agenttiktiń resmi saitynda  pkrezerv.gov.kz saitynda aǵymdaǵy jyldyń 27 jeltoqsanynda jariialanady.

Rezervke ekinshi irikteýdiń ereksheligi - bolashaq rezervshini tańdaý  kezinde onyń jeke mansaptyq ambitsiialarǵa emes, eń aldymen qoǵamdyq múddelerdi basshylyqqa alatyn transformatsiialyq kóshbasshyǵa tán quzyretteri nazarǵa alyndy.

Agenttik tóraǵasy Anar Jailǵanova qazirgi Rezerv tek memlekettik qyzmet úshin ǵana qalyptastyrylǵanyn jáne onda bolý merzimi 3 jyldy quraitynyn atap ótti.

Rezervke engen jastardyń kópshiliginiń ekonomikanyń túrli salalaryn qamtityn jetekshi sheteldik jáne jeke qazaqstandyq kompaniialarda jumys tájiribesi bar.

Anar Jailǵanova memlekettik qyzmettiń joǵary laýazymdaryna rezervshilerdi taǵaiyndaý mansaptyq ósý joly arqyly josparlanǵanyn habarlady. Agenttik rezervshilerdiń odan ári mansaptyq ilgerileýin árdaiym qadaǵalaityn bolady.

Óz sózin qorytyndylai kele, Qazaqstan Respýblikasy MQIA tóraǵasy Anar Jailǵanova rezervshilermen jumys barysy jáne olardyń jetistikteri týraly jurtshylyq júieli negizde habardar etiletinin málimdedi.

Esterińizge sala keteiik, prezidenttik jastar kadr rezervine irikteý úmitkerlerdiń qujattaryn qabyldaýdan bastalǵan (1-30 qyrkúiek aralyǵynda) jáne ótken aptanyń sońynda Prezidettik jastar kadr rezervine irikteý jónindegi ulttyq komissiianyń otyrysymen aiaqtalǵan júieli kezeńderden turdy. 

Anyqtama úshin:

1) 1-30 qyrkúiek aralyǵynda úmitkerlerdiń qujattaryn qabyldaý;

2) 2 qazannan 9 qazanǵa deiin mátindik jáne sandyq aqparatpen jumys istei bilýdi baǵalaý;

3) 12-17 qazan aralyǵynda sitýatsiialyq tapsyrmalardy sheshý;

4) 25 qazannan 28 qarashaǵa deiin quzyretterdi baǵalaý;

5) 3 jeltoqsannan 10 jeltoqsanǵa deiin rezervke irikteý jónindegi sarapshylyq komissiiada kandidattarmen áńgimelesý;

6) Prezident janyndaǵy Ulttyq komissiianyń otyrysy.

2021 jylǵy Prezidenttik jastar kadr rezervine alynǵan kandidattardyń tizimi: