Prezidenttik jastar kadr rezerviniń jeńimpazdary Shymkentte jańa qyzmetke taǵaiyndaldy, dep habarlaidy Shymkent qalasy ákimdiginiń Facebook –paraqshasynda.
Atap aitqanda, qala ákiminiń ókimimen Sergei Kompaniets kásipkerlik jáne indýstrialdy-inovatsiialyq damý basqarmasynyń basshysy laýazymyna taǵaiyndaldy.
Sergei Evgenevich 1986 jyly týǵan, bilimi joǵary. 2009 jyly «Informatika jáne baǵdarlamalyq qamtamasyz etý» mamandyǵy boiynsha Basqarý institýtyn támamdasa, 2016 jyly Djordj Vashington ýniversitetiniń aqparattyq júieler men basqarý tehnologiialarynyń magistranty dárejesin alǵan. Sol jyldary jyldyń eń úzdik biznes stýdentteriniń bestigine kirgen. 2011 jyly «Memlekettik jáne jergilikti basqarý» mamandyǵy boiynsha akademiialyq innovatsiialyq ýniversitetin bitirgen.
Prezidenttiń kadrlyq rezervine irikteýdiń barlyq kezeńderinen súrinbei ótken Oljas Shyntaev kásipkerlik jáne indýstrialdy-inovatsiialyq damý basqarmasy basshysynyń orynbasary bolyp taǵaiyndaldy.
Oljas Shyntaev 1990 jyly týǵan, bilimi joǵary, mamandyǵy boiynsha ekonomika jáne biznes bakalavry- esep jáne aýdit. Orys, aǵylshyn, qytai tilderin meńgergen. Qazaqstan Respýblikasy týrizm indýstriiasynyń úzdik, TMD Halyqaralyq dostastyq syilyqtarynyń laýreaty.
