Prezidenttik jastar kadrlyq rezerviniń 7 múshesi Nur-Sultan qalasy ákimdiginde basshylyq laýazymǵa taǵaiyndaldy, dep habarlaidy Nur-Sultan qalalyq ákimdiginiń baspasóz qyzmeti.
Qalalyq ákimdiktegi bos laýazymdarǵa taǵy 10 rezervshi usynylyp otyr.
Ákimdikten habarlaǵandai, Nurlybek Balyqbaev qala ákimi apparaty basshysynyń orynbasary bolyp taǵaiyndalǵan. Buǵan deiin strategiialyq jáne aqparattyq damý departamenti direktorynyń orynbasary - QR Energetika ministrliginiń resmi ókili qyzmetin atqarǵan.
Dáýlet Káribek «Nur-Sultan jastar saiasaty máseleleri basqarmasy» MM basshysy laýazymyna ótti. Buǵan deiin «Jas Otan» jastar qanatynyń tóraǵasy qyzmetin atqarǵan.
Erlan Syzdyqov «Nur-Sultan otyn-energetika kesheni jáne kommýnaldyq sharýashylyq basqarmasy» MM basshysynyń orynbasarlyǵyna keldi.
Ánýar Bijan «Nur-Sultan aktivter jáne memlekettik satyp alýlar basqarmasy» MM Memlekettik satyp alýlar monitoringi jáne tapsyrys berýshilermen jumys bóliminiń basshysy bolyp taǵaiyndaldy. Jeke sektorda jumys atqarǵan.
Dina Daniiarova «Astana Invest» JShS Basqarma tóraǵasynyń keńesshisi qyzmetine taǵaiyndaldy. Jeke sektordaǵy qarjy mekemelerinde halyqaralyq tájiribesi bar.
Laýra Demesinova «Astana» áleýmettik-kásipkerlik korporatsiiasy «ulttyq kompaniiasy» AQ Basqarma tóraǵasynyń keńesshisi bolyp taǵaiyndaldy.
