foto: Tengrinews.kz
QR Memlekettik qyzmet isteri agenttiginiń tóraǵasy Anar Jaiylǵanova Prezidenttik Jastar kadrlyq rezervi músheleriniń jumysqa ornalasý múmkindigi týraly pikir bildirdi, dep habarlaidy QazAqparat.
«Búginge deiin Prezidenttik jastar kadrlyq rezervine alynǵan jastardyń 63%-y jumyspen qamtylǵan. Qalǵandarynyń óz jumystary bar. Olar biz usynǵan laýazymdardan bas tartty. Jalpy, olardyń kóbinde jumysy bar», - dedi agenttik basshysy.
Sondai-aq ol kadrlyq rezervtegi jastar 5 jyl boiy agenttiktiń nazarynda bolatynyn túsindirdi.
«Onyń ústine olar rezervte bes jyl bolady. Iaǵni, áli ýaqyt bar. Biz bul baǵytta áli de jumys isteimiz. Osy ýaqyt ishinde usynylǵan jumystardyń birin tańdap jatsa, juymysqa ornalastyramyz. Kóp jaǵdaida ózderi bas tartady. Óitkeni burynnan jaqsy jumystary bar. Mysaly, keibiri Astana halyqaralyq qarjy ortalyǵynda, «Halyq bankte» jumys isteidi», - dedi Anar Jaiylǵanova ortalyq kommýnikatsiialar qyzmetinde ótken brifingide.
