Bolat Tilepov Prezident Ákimshiliginiń Ishki saiasat bóliminiń meńgerýshisi bolyp taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysynyń Ókimimen Bolat Anapiiauly Tilepov Qazaqstan Respýblikasy Prezidenti Ákimshiliginiń Ishki saiasat bóliminiń meńgerýshisi qyzmetine taǵaiyndaldy", - delingen habarlamada.
Bolat Tilepov 1978 jyly Kentaý qalasynda dúniege kelgen.
Ál-Farabi atyndaǵy Qazaq memlekettik ulttyq ýniversitetin «saiasattanýshy, saiasattaný oqytýshysy» mamandyǵy boiynsha támamdaǵan.
2001-2005 jyldary «Strategiia» taldaý ortalyǵy» qoǵamdyq qorynyń sarapshysy, Áleýmettik-saiasi zertteýler ǵylymi-zertteý institýtynyń ǵylymi qyzmetkeri, Saiasi tehnologiialar ortalyǵynyń aǵa ǵylymi qyzmetkeri bolyp jumys istedi.
2005-2006 jyldary — Almaty qalasy ákimi apparatynyń Qazaqstan halqy kishi assambleiasy meńgerýshisiniń mindetin atqarýshy, hatshylyq meńgerýshisi.
2008 jyly Almaty qalasy Ishki saiasat departamenti direktorynyń orynbasary, Ishki saiasat basqarmasy basshysynyń orynbasary qyzmetin atqardy.
2008 jyldan 2013 jylǵa deiin — Astana qalasy Ishki saiasat basqarmasy basshysynyń orynbasary, basshysy.
2013-2014 jyldary — «Astana qalasynyń Ishki saiasat basqarmasy» MM basshysy.
2014-2015 jyldary — Qorǵanys ministrliginiń Ákimshilik departamenti basshysynyń orynbasary.
2015-2016 jyldary — Premer-ministr orynbasarynyń keńesshisi.
2017-2019 jyldary — Qazaqstan Respýblikasynyń Resei Federatsiiasyndaǵy Elshiliginiń keńesshisi.
2019 jylǵy qarashadan bastap búgingi kúnge deiin Prezidenti Ákimshiliginiń memlekettik inspektory bolyp jumys istedi.
