Memleket basshysy «Qazaqstan Respýblikasynyń keibir zańnamalyq aktilerine qylmystyq, qylmystyq-protsestik zańnamany jetildirý jáne jeke adam quqyqtarynyń qorǵalýyn kúsheitý máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy, dep habarlaidy "Ult aqparat" Aqordanyń baspasóz qyzmetine silteme jasap.
Zań Memleket basshysynyń zorlaý, brakonerlik, mal urlyǵy, esirtki taratý, ósimdikter men janýarlar dúniesin qorǵaý jónindegi inspektorlardyń, qoryqshylyq qyzmetiniń ómirine qol suǵýshylyqtar, mas kúiinde kólik quraldaryn júrgizý, sondai-aq birqatar ózge de aýyr quqyq buzýshylyqtar úshin jaýapkershilikti kúsheitý týraly tapsyrmalaryn iske asyrýǵa baǵyttalǵan.
Sonymen qatar, Zańda bala asyrap alýǵa járdem kórsetý jónindegi uiymdardyń jumys isteýi úshin quqyqtyq jaǵdailar jasaýǵa, sheteldikterdi mindetti tirkeýdiń kúshin joiýǵa, qylmystyq jáne qylmystyq is júrgizý zańnamasyn olardy qoldaný praktikasy monitoringiniń qorytyndysy boiynsha odan ary jetildirýge baǵyttalǵan normalar kózdelgen.
Zańnyń mátini baspasózde jariialanady.
