QR Prezidenti Qasym-Jomart Toqaev Almaty mańynda ushaq apatynan azamattardyń qaza tabýyna bailanysty kóńil aitý jedelhatyn joldaǵan barlyq memleket basshylaryna alǵys aitty, dep habarlaidy "Ult aqparat" Memleket basshysynyń Twitter-degi paraqshasyna silteme jasap.
«Almaty mańyndaǵy ushaq apaty saldarynan bolǵan azamattardyń qazasyna bailanysty kóńil aitý jedelhattaryn joldap, tilektestik bildirgen barlyq memleket basshylaryna alǵys aitamyn» dep jazylǵan habarlamada.
Eske sala ketsek, 27 jeltoqsanda Almatydan Nur-Sultanǵa baǵyt alǵan Bek Air áýe kompaniiasynyń ushaǵy apatqa ushyraǵan bolatyn.
Osy oqiǵaǵa bailanysty QR Prezidenti Qasym-Jomart Toqaev 2019 jyldyń 28 jeltoqsanyn jalpyulttyq aza tutý kúni dep jariialady.
