Ulttyq qoǵamdyq senim keńesiniń 6-otyrysynda Memleket basshysy Qasym-Jomart Toqaev Úkimetke shekaralas aimaqtardy damytý jónindegi usynys engizýdi tapsyrdy, dep habarlaidy "Ult aqparat".
«Qoǵamda jii aitylyp júrgen taǵy bir másele – shekaralas aimaqtardy damytý. Bul taqyrypty Ulttyq Keńes múshesi, Májilis depýtaty Erlan Sairov kótergen bolatyn.
Sońǵy kezde shekara boiyndaǵy eldi mekenderde halyq sany azaiyp bara jatqany jasyryn emes. Munyń ózindik sebepteri bar. Biraq, shekara mańyn bos qaldyrýǵa bolmaidy. Bul – ulttyq qaýipsizdikke tikelei qatysy bar másele. Ony júieli túrde sheshý qajet. Qomaqty qarajat kerek bolady. Úkimetke muny jan-jaqty qarastyryp, shekaralas aimaqtardy damytý jóninde usynys engizýdi tapsyramyn», - dedi Qazaqstan Prezidenti.
