Úkimet otandyq vaktsinany shyǵarý jáne shet elden ákelý arqyly sáýir aiynda jaǵdaidy kúrt ózgertýge tiis. Elimizdegi koronavirýs indetine bailanysty epidemiologiialyq ahýal jóninde keńeste QR Prezidenti Qasym-Jomart Toqaev osylai málim etti, dep habarlaidy "Ult aqparat".
«Úkimet otandyq vaktsinany shyǵarý jáne shet elden ákelý arqyly sáýir aiynda jaǵdaidy kúrt ózgertýge tiis. Barlyq azamattarymyzdy vaktsina saldyrýǵa shaqyramyn. Bul ózińizdiń, ata-analaryńyz ben jaqyndaryńyzdyń saqtyǵy úshin qajet», - dep jazdy Prezident Twitter-degi paraqshasynda.
Memleket basshysynyń aitýynsha QHR, Izrail, BAÁ tájiribesi ekpe ektirýdiń oilastyrylǵan strategiiasy men lokdaýnnan shyǵý ǵana azamattarymyzdyń kúndelikti ómirin qalpyna keltirýge jáne ekonomikanyń barlyq sektorynyń, onyń ishinde, pandemiiadan zardap shekken salalardy qaita jandandyrýǵa jol ashatynyn kórsetip otyr.
Eske sala ketsek, Memleket basshysy elimizdegi koronavirýs indetine bailanysty epidemiologiialyq ahýal jóninde keńes ótkizdi.
