Prezident Qasym-Jomart Toqaev "QazMunaiGaz" UK AQ basqarma tóraǵasy Maǵzum Myrzaǵalievti qabyldady, - dep habarlaidy "Ult aqparat" Aqorda baspasóz qyzmetine silteme jasap.
Memleket basshysyna "QazMunaiGaz" kompaniiasynyń munai-gaz himiiasy salasynda júzege asyryp jatqan jobalary jóninde aqparat berildi. Qazirgi ýaqytta Atyraý oblysyndaǵy polipropilen shyǵaratyn zaýytty iske qosý jumystary aiaqtalyp keledi. Bul óndiris orny biylǵy tamyz aiynda iske qosylady dep josparlanyp otyr.
Prezidentke polietilen jáne býtadien óndirisine qatysty jobalardyń júzege asyrylý barysy baiandaldy.
Maǵzum Myrzaǵaliev Qasym-Jomart Toqaevqa "Ózenmunaigaz" aktsionerlik qoǵamynyń qazirgi jaǵdaiy men damý perspektivalary, sondai-aq Mańǵystaý oblysynda áleýmettik turaqtylyqty saqtaý úshin júrgizilip jatqan jumystar jóninde esep berdi. Onyń aitýynsha, áleýmettik-eńbek qatynastaryna qatysty máselelerdi sheshý, sondai-aq "QazMunaiGaz" kompaniiasynyń enshiles uiymdary qyzmetiniń máseleleri boiynsha jeke jáne zańdy tulǵalardyń ótinishterin qabyldaý maqsatymen Aqtaýda ulttyq kompaniianyń ókildigi ashylǵan. Sonymen qatar Jańaózende balalarǵa bilim berý sapasyn arttyrý jobasy iske asyrylyp jatyr, oqýshylar saraiy men sport alańdarynyń qurylysy júrgizilýde.
"QazMunaiGaz" basshysy Prezidentke kompaniianyń sheteldik aktivterin damytý perspektivalary jóninde baiandady.
Memleket basshysy investitsiialyq jobalardy ýaqytyly iske asyrý jáne áleýmettik turaqtylyqty qamtamasyz etý jumystaryn jalǵastyrý jóninde birqatar tapsyrma berdi.
