QR Ishki ister ministrligi Shyǵys Qazaqstan oblysynyń Marqakól kólinde zańsyz balyq aýlap kelgen qylmystyq topty ustaý boiynsha arnaiy operatsiia ótkizdi. Bul týraly ministrliktiń baspasóz qyzmetinen málim etti, dep habarlaidy "Ult aqparat".
«Memleket basshysy Qasym-Jomart Toqaevtyń tapsyrmasyn oryndaý maqsatynda Ishki ister ministrligi Shyǵys Qazaqstan oblysyndaǵy Marqakól kóliniń aýmaǵynda uzaq ýaqyt boiy brakonerlikpen jáne maiqan balyǵy ýyldyryǵynyń zańsyz ainalymymen ainalysqan qylmystyq toptyń kriminaldyq is-áreketiniń jolyn kesý boiynsha arnaiy operatsiia ótkizdi. Nátijesinde, «Marqakól memlekettik tabiǵi qoryǵy» respýblikalyq memlekettik mekemesi qyzmetkerleriniń jáne balyq resýrstaryn zańsyz aýlaýǵa, satýǵa qatysy bar basqa da adamdardyń brakonerlik áreketteri áshkerelendi. Olar atalǵan aiyryqsha qorǵalatyn nysanda quqyqtyq tártipti qamtamasyz etýdiń ornyna ózderi zańsyz áreketterge barǵan», - dedi vedomstvodan.
Málim etilgendei, ýyldyryqty ótkizýdiń negizgi arnasy joiyldy, uiymdastyrýshylary ustalyp, qamaýǵa alyndy. Maiqan balyǵyn brakonerlik jolmen aýlaýǵa, satýǵa qatysy bar ózge de adamdardy anyqtap, ustaý boiynsha jedel-tergeý sharalary júrgizilýde.
«Júrgizilgen jedel-izdestirý sharalary nátijesinde 90 litr ýyldyryq, myńnan astam zańsyz aýlanǵan maiqan balyǵy, sondai-aq 3 mln 800 teńge somasynda aqshalai qarajat, balyq aýlaityn torlar, ratsiia jáne tirkelmegen pistolet alyndy. Tergeý barysynda atalǵan kezeńde Marqakól kólinen bir tonnadan astam maiqan balyǵy zańsyz aýlanǵany anyqtaldy. Ýyldyryqty alǵannan keiin qylmyskerler balyqty kúzetiletin aimaqtaǵy jerge kómip ketken. Buryn toqtatylǵan 4 qylmystyq is óndirispen qaita jańǵyrtyldy. Osy ister boiynsha 22 mln teńgeden astam qarjyny quraityn 4 tonna maiqan balyǵy alyndy», - dedi IIM-nen.
Qazirgi ýaqytta tiisti saraptamalar taǵaiyndaldy. Sonyń negizinde tabiǵi qoryqtyń qorshaǵan ortasyna keltirilgen ekologiialyq zalal anyqtaltyn bolady.
Sondai-aq, IIM atalǵan aimaqtyń brakonerlikpen bailanysty problemalyq máselelerin qarastyrýda.
Eske salsaq, Memleket basshysy Qasym-Jomart Toqaev Shyǵys Qazaqstan oblysynyń Marqakól kólinde zańsyz balyq aýlap júrgen qylmystyq toppen kúresýdi tapsyrǵan bolatyn.
