قر ٸشكٸ ٸستەر مينيسترلٸگٸ شىعىس قازاقستان وبلىسىنىڭ مارقاكٶل كٶلٸندە زاڭسىز بالىق اۋلاپ كەلگەن قىلمىستىق توپتى ۇستاۋ بويىنشا ارنايى وپەراتسييا ٶتكٸزدٸ. بۇل تۋرالى مينيسترلٸكتٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
«مەملەكەت باسشىسى قاسىم-جومارت توقاەۆتىڭ تاپسىرماسىن ورىنداۋ ماقساتىندا ٸشكٸ ٸستەر مينيسترلٸگٸ شىعىس قازاقستان وبلىسىنداعى مارقاكٶل كٶلٸنٸڭ اۋماعىندا ۇزاق ۋاقىت بويى براكونەرلٸكپەن جەنە مايقان بالىعى ۋىلدىرىعىنىڭ زاڭسىز اينالىمىمەن اينالىسقان قىلمىستىق توپتىڭ كريمينالدىق ٸس-ەرەكەتٸنٸڭ جولىن كەسۋ بويىنشا ارنايى وپەراتسييا ٶتكٸزدٸ. نەتيجەسٸندە, «مارقاكٶل مەملەكەتتٸك تابيعي قورىعى» رەسپۋبليكالىق مەملەكەتتٸك مەكەمەسٸ قىزمەتكەرلەرٸنٸڭ جەنە بالىق رەسۋرستارىن زاڭسىز اۋلاۋعا, ساتۋعا قاتىسى بار باسقا دا ادامداردىڭ براكونەرلٸك ەرەكەتتەرٸ ەشكەرەلەندٸ. ولار اتالعان ايىرىقشا قورعالاتىن نىساندا قۇقىقتىق تەرتٸپتٸ قامتاماسىز ەتۋدٸڭ ورنىنا ٶزدەرٸ زاڭسىز ەرەكەتتەرگە بارعان», - دەدٸ ۆەدومستۆودان.
مەلٸم ەتٸلگەندەي, ۋىلدىرىقتى ٶتكٸزۋدٸڭ نەگٸزگٸ ارناسى جويىلدى, ۇيىمداستىرۋشىلارى ۇستالىپ, قاماۋعا الىندى. مايقان بالىعىن براكونەرلٸك جولمەن اۋلاۋعا, ساتۋعا قاتىسى بار ٶزگە دە ادامداردى انىقتاپ, ۇستاۋ بويىنشا جەدەل-تەرگەۋ شارالارى جٷرگٸزٸلۋدە.
«جٷرگٸزٸلگەن جەدەل-ٸزدەستٸرۋ شارالارى نەتيجەسٸندە 90 ليتر ۋىلدىرىق, مىڭنان استام زاڭسىز اۋلانعان مايقان بالىعى, سونداي-اق 3 ملن 800 تەڭگە سوماسىندا اقشالاي قاراجات, بالىق اۋلايتىن تورلار, راتسييا جەنە تٸركەلمەگەن پيستولەت الىندى. تەرگەۋ بارىسىندا اتالعان كەزەڭدە مارقاكٶل كٶلٸنەن بٸر توننادان استام مايقان بالىعى زاڭسىز اۋلانعانى انىقتالدى. ۋىلدىرىقتى العاننان كەيٸن قىلمىسكەرلەر بالىقتى كٷزەتٸلەتٸن ايماقتاعى جەرگە كٶمٸپ كەتكەن. بۇرىن توقتاتىلعان 4 قىلمىستىق ٸس ٶندٸرٸسپەن قايتا جاڭعىرتىلدى. وسى ٸستەر بويىنشا 22 ملن تەڭگەدەن استام قارجىنى قۇرايتىن 4 توننا مايقان بالىعى الىندى», - دەدٸ ٸٸم-نەن.
قازٸرگٸ ۋاقىتتا تيٸستٸ ساراپتامالار تاعايىندالدى. سونىڭ نەگٸزٸندە تابيعي قورىقتىڭ قورشاعان ورتاسىنا كەلتٸرٸلگەن ەكولوگييالىق زالال انىقتالتىن بولادى.
سونداي-اق, ٸٸم اتالعان ايماقتىڭ براكونەرلٸكپەن بايلانىستى پروبلەمالىق مەسەلەلەرٸن قاراستىرۋدا.
ەسكە سالساق, مەملەكەت باسشىسى قاسىم-جومارت توقاەۆ شىعىس قازاقستان وبلىسىنىڭ مارقاكٶل كٶلٸندە زاڭسىز بالىق اۋلاپ جٷرگەن قىلمىستىق توپپەن كٷرەسۋدٸ تاپسىرعان بولاتىن.
