«Qazaqstan Respýblikasynda beibit jinalystardy uiymdastyrý jáne ótkizý tártibi týraly» Zań jobasynyń tujyrymdamasy qoǵam talqylaýyna shyǵaryldy. Bul týraly QR Aqparat jáne qoǵamdy damý ministri Dáýren Abaev Facebook-te jazdy.
«Qurmetti dostar! Ózderińizge málim, Memleket basshysy Ulttyq qoǵamdyq senim keńesi otyrysynda beibit jinalystar týraly jańa Zań ázirleýdi tapsyrdy. Búgin bizdiń Ministrlik «Ashyq Úkimet» saitynda osy normativtik-quqyqtyq akt tujyrymdamasynyń jobasyn ornalastyrdy. Kelip túsken usynystar men jetekshi halyqaralyq tájiribeler negizinde birqatar jańa engizilimder usynylady», - dedi ministr.
Endi 10 jumys kúni ishinde ár azamat óz eskertpesi men túsiniktemesin saitta qaldyra alady. Olar aldaǵy ýaqytta qarastyrylatyn bolady.
«Jýrnalisterdi, úkimettik emes sektordyń ókilderin, azamattyq belsendilerdi osy jumysqa qatysýlaryńyzdy suraimyn», - dedi D.Abaev.
