Nur-Sultan qalasynda mobildi toptar karantin rejimin buzǵandardy anyqtaý úshin reid ótkizdi, dep habarlaidy "Ult aqparat".
Nur-Sultan qalalyq Ishki saiasat basqarmasynan habarlanǵandai, mobildi toptardyń quramynda politsiia men taýarlar men kórsetilgen qyzmetterdiń qaýipsizdigin baqylaý basqarmasy qyzmetkerleri bar. Olar bas sanitarlyq dárigerdiń qaýlysyndaǵy erejeler saqtalmaǵan faktilerdi tirkedi. Máselen, Nur-Sultan qalasynyń Saryarqa aýdanynda «Dáýlet» saýda úiinde monitoringtik tekserý kezinde termometr men dezinfektsiialyq kilemshe bolmaǵan. Al jalǵa alýshylar maska rejimin saqtamaǵan. «Zabava» dúkeninde termometr bolmaǵan. Osy saýda nysandaryna túsindirý jumystary júrgizilgen.
Baiqońyr aýdanynyń birneshe kompiýterlik klýbynda, jóndeý pýnktterinde, dúkenderinde, monshalary men kafelerinde osyndai buzýshylyqtar anyqtalǵan. Olardyń ielerine túsiniktemeler berilip, aiyppul salyndy.
«Baiqońyr aýdany basqarmasynda kúndelikti reidter júrgizemiz. Keibir sýbektiler eki-úsh ret jaýapqa tartyldy. olardyń jumysy toqtatyldy. Kún saiyn biz 10-nan astam quqyq buzýshylyqty anyqtaimyz, qujattar jinaimyz, túsindirme alamyz jáne SES-ke jiberemiz. Eki-úsh kún ishinde olar tártip buzýshylardy shaqyrady, hattamalardy toltyryp, aiyppul salady. Mundai reidter tańǵy 4-5-ke deiin jalǵasady. Júrgizilgen jumystardyń arqasynda búgingi kúni quqyq buzýshylyqtar sany azaidy»,- deidi Baiqońyr aýdandyq politsiia basqarmasynyń birinshi orynbasary Qurban Tańǵyshbaev.
Politseiler karantin buzýshylardy anyqtap, olardy jaýapkershilikke tarta otyryp, kásipkerlik sýbektileri boiynsha kúndelikti túngi jáne kúndizgi reidterdi júrgizedi.
Sonymen qatar, demalys kúnderi politseiler azamattarmen koronavirýs infektsiiasynyń taralýyna jol bermeý boiynsha karantin rejimin saqtaý týraly túsindirý jumystaryn júrgizýdi jalǵastyrýda. Kóptegen qala turǵyndary kópshilik jinalatyn oryndarǵa, saiabaqtarǵa, skverlerge, bazarlarǵa baratyn demalys kúnderi tártip saqshylary saqtyq sharalaryn eske salyp, azamattardy qoǵamdyq oryndarda jaýapkershilikpen qaraýǵa, sanitarlyq normalar men áleýmettik qashyqtyqty mindetti túrde saqtaýǵa shaqyrady.
Aita ketsek, buǵan deiin bir táýliktiń ishinde Nur-Sultan qalasynyń politsiia qyzmetkerleri qalalyq taýarlar men qyzmetterdiń sapasy jáne qaýipsizdigin qadaǵalaý basqarmasynyń mamandarymen birigip, kásipkerliktiń 141 nysanyn teksergeni habarlanǵan edi. Tekserý barysynda karantin rejimin buzýdyń 70 jaǵdaiy tirkelgen. Zań buzýshylardyń bári de ákimshilik jaýapkershilikke tartylǵan.
