Almaty qalasy ákiminiń orynbasary Erjan Babaqumarov qalada kásipkerlik nysandarynyń jáne jeke tulǵalardyń sanitarlyq-epidemiialyq qaýipsizdik talaptaryn saqtaýyn baqylaityn monitoringtik toptardyń jumysyn kúsheitý máseleleri boiynsha keńes ótkizdi, dep habarlaidy "Ult aqparat".
Jiyn Memleket basshysy Qasym-Jomart Toqaevtyń pandemiianyń ekinshi tolqynyna daiyndyq jónindegi keńeste bergen tapsyrmalaryn oryndaý úshin uiymdastyryldy.
Jiynǵa qalalyq taýarlar men qyzmetterdiń sapasy men qaýipsizdigin baqylaý departamenti, Politsiia departamenti, prokýratýra, Kásipkerlik jáne investitsiialar basqarmasy, sondai-aq Nur Otan partiiasynyń Almaty filialy, «Jas Otan», almatylyq «Atameken» kásipkerler palatasynyń basshylary jáne birqatar volonterlik uiymdar men úkimettik emes uiym ókilderi qatysty.
Keńeste kásipkerlik obektileri men jeke tulǵalardyń sanitarlyq-epidemiologiialyq qaýipsizdik talaptaryn saqtaýdy baqylaý jónindegi monitoringtik toptardyń jumysyn kúsheitýdiń uiymdastyrýshylyq máseleleri qaraldy.
Epidemiialyq jaǵdaidy taldaý sońǵy kúnderi Almatyda koronovirýs infektsiiasyn juqtyrý jaǵdailarynyń sanynyń artýyna yqpal etetin birqatar jaǵymsyz faktorlardyń bar ekenin kórsetedi. Olardyń basty sebepteriniń biri koronavirýs indetiniń elimizge virýs juqtyrý jaǵdailary artyp otyrǵan shet memleketterden jetkizilýi bolyp otyr.
Osyǵan bailanysty Almaty halyqaralyq áýejaiynda sanitarlyq-epidemiialyq baqylaýdy kúsheitý boiynsha sharalar qabyldandy. Atap aitqanda, monitoringtik toptarǵa kelesi mindetter tapsyryldy:
1) kásiporyndar, mekemeler, sonymen birge, halyqqa qyzmet kórsetetin uiymdar úshin belgilengen sanitarlyq-epidemiialyq talaptardyń oryndalýyna tekserýdi uiymdastyrý;
2) kásiporyndar, saýda úileri, bazarlar, áýejai, vokzaldar, qoǵamdyq kólikter jáne qaladaǵy basqa da uiymdardyń, sondai-aq, halyq kóp ornalasqan aýdandarda sanitarlyq-epidemiialyq normalardyń oryndalýyna turaqty monitoring júrgizý;
3) adamdar kóp jinalýy múmkin jerlerde shekteý sharalaryn nyǵaitý jáne profilaktikalyq jumystardy júgizýdi jalǵastyrý, aýrý juqtyrý kózderin, virýstyń berilý tizbegin anyqtaý jáne shekteý, baqylaý sharalaryn qabyldaityn ýákiletti qurylymdarǵa aqparat berý.
Almatyda osy maqsatta 26 monitoringtik top jumys isteidi. Olardyń quramynda Politsiia departamentiniń, Taýarlar men qyzmetterdiń sapasy men qaýipsizdigin baqylaý departamenti aýdandyq basqarmalarynyń, «Atameken» kásipkerler palatasynyń ókilderi bar. Sondai-aq úkimettik emes sektordyń ókilderi men eriktiler erekshe úles qosýda, olar monitoring toptaryna tártip buzýshylyq faktilerin anyqtaýǵa járdemdesedi.
Buǵan qosa osy baǵyttaǵy jumystardyń ashyqtyǵyn jáne shynaiylyǵyn qamtamasyz etý úshin qoǵamdyq densaýlyq saqtaý basqarmalaryna, aqparattyq qyzmetterge koronavirýske qarsy aýqymdy túsindirý naýqanyn jalǵastyrý jáne COVID-19-dyń aldyn alýdaǵy negizgi ádis retinde halyqqa gigienalyq tárbie júrgizý tapsyryldy.
Monitoringtik toptardyń jumysynyń maqsaty - koronavirýs infektsiiasynyń taraýyna jol bermeý jáne qala turǵyndarynyń virýs juqtyrýynyń aldyn alý.
Biyl 5 shilde men 7 qazan aralyǵynda monitoringtik toptar 9 myńǵa jýyq nysandy tekserdi. Tekserý is-sharalarynyń qorytyndysy boiynsha Ákimshilik quqyq buzýshylyq týraly QR ÁQBtK-niń 425-babyna sáikes (zańdy jáne jeke tulǵalarǵa) jalpy somasy 287 mln teńgege 3836 hattama toltyryldy.
Almaty ákimdigi kásipkerlik sýbektilerine pandemiianyń jańa tolqynynyń qaýpi tóngen kezde qaýipsizdik sharalarynyń talaptaryn múltiksiz saqtaý qajettigin eske salady. Al sanitarlyq talaptardyń buzylýy - uiym qyzmetkerleri arasynda aýrý taraýyna jáne obektini paidalanýdy toqtatýǵa negiz bolady.
Almaty ákimdigi megapolis turǵyndary men qonaqtaryn maska rejimin jáne áleýmettik qashyqtyqty qatań ustanýǵa, jeke gigiena sharalaryn saqtaýǵa shaqyrady. Densaýlyqty qorǵaýdyń bul sharalary ásirese turǵyndardyń álsiz toptaryna – balalarǵa, egde jastaǵy, sonymen qatar, sozylmaly aýrýlary bar adamdarǵa qatysty.
Qalanyń bas memlekettik sanitariia dárigeri Jandarbek Bekshin qoǵamdyq kólikte sanitarlyq saqtyq sharalaryn saqtaýdyń mańyzdylyǵyn atap ótti. Ata-analarǵa balalar alańynda júrgen balalaryna baqylaýdy kúsheitý usynylady. Virýstyq aýrýlardyń maýsymdyq ósýi kezinde barlyq qala turǵyndary ózderin jáne ózderin qorshaǵan adamdardy qorǵaýy kerek - maska rejimine bei-jai qaramaýlary kerek.
Karantin talaptaryn buzǵany úshin jeke tulǵalarǵa 30 AEK; shaǵyn kásipkerlik sýbektileri úshin – 230 AEK (638 940 teńge), orta kásipkerlik sýbektileri úshin – 310 AEK (861 180 teńge), iri kásipkerlik sýbektileri úshin – 1600 AEK (4 444 800 teńge) mólsherinde aiyppul qarastyrylǵan.
