Makroekonomikalyq kórsetkishterdiń ózgerýine bailanysty is-sharalarǵa 315,6 mlrd teńge bólindi. Bul týraly Ortalyq kommýnikatsiialar qyzmeti alańynda ótken QR Úkimetiniń rezervinen qarajat bólý máselesine arnalǵan baspasóz konferentsiiasynda aityldy, dep habarlaidy QazAqparat.
«Makroekonomikalyq kórsetkishterdiń ózgerýine bailanysty is-sharalarǵa 315,6 mlrd teńge bólindi», - deidi QR Qarjy ministrliginiń birinshi vitse-ministri Berik Sholpanqulov.
Onyń aitýynsha, 1 sáýirden bastap bul qarajat áleýmettik tólemderdi indeksteýge jáne valiýta baǵamynyń ózgerýine bailanysty shyǵyndardy jabýǵa jumsalady.
«Sondai-aq, azamattar men ekonomikany qoldaýǵa, onyń ishinde Memleket basshysynyń jeke tapsyrmalaryn oryndaýǵa 293,3 mlrd teńge bólý usynylyp otyr», - deidi ol.
