Sýret avtory: Erlan Omarov, "Egemen Qazaqstan" basylymy
Biyl respýblika boiynsha Prezident shyrshasyna 4 myńnan astam bala qatysty. Merekelik kesh 25 jeltoqsanda ótti, - dep habarlaidy "Ult aqparat" Oqý-aǵartý ministrliginiń baspasóz qyzmetine silteme jasap.
Árbir qatysýshy Prezident shyrshasynan baǵaly syilyq nemese 100 myń teńgelik sertifikat alǵan.
«Merekelik is-shara elimizdiń barlyq qalasy men oblys ortalyǵynda ótti. Biyl shyrshaǵa 9-13 jas aralyǵyndaǵy 200 bala shaqyryldy. Elimiz boiynsha keshke qatysqandardyń jalpy sany 4 myńnan asty. Olar - oqý úzdikteri, túrli konkýrstar men olimpiadalardyń jeńimpazdary men júldegerleri, jetim balalar, ata-anasynyń qamqorlyǵynsyz qalǵan balalar, az qamtylǵan jáne kóp balaly otbasylardan shyqqan balalar, sondai-aq oqýda, sportta, shyǵarmashylyqta nemese qoǵamdyq ómirde jetistikterge jetken daryndy balalar», - dedi Oqý-aǵartý ministrliginiń Tárbie jumysy jáne qosymsha bilim berý basqarmasy basshysynyń mindetin atqarýshy Aman Seitov.
Biylǵy jańa jyldyq shyrshanyń taqyryby «Qosh keldiń, Jańa jyl – jańa beles, jańa arman!» boldy.
