Foto: ashyq derekkóz
Memleket basshysy Shymkentte Nurai esimdi boijetkenniń kisi qolynan qaza tabýyna bailanysty pikir bildirip, bul oqiǵanyń el ishinde úlken alańdaýshylyq týǵyzǵanyn aitty, dep habarlaidy Ult.kz.
Prezidenttiń aitýynsha, atalǵan jaǵdaiǵa qatysty Ulttyq quryltaiǵa 130-dan astam ótinish kelip túsken. Tergeý barysynda kúdiktiniń marqum Nuraidy uzaq ýaqyt ańdyp, qoqan-loqy kórsetkeni anyqtalǵan. Sonyń saldarynan qaiǵyly oqiǵa oryn alǵan.
Osyǵan bailanysty Qasym-Jomart Toqaev Ishki ister ministrine Shymkent qalalyq politsiia departamentiniń áreketine quqyqtyq baǵa berýdi tapsyrdy. Sonymen qatar Bas prokýrorǵa da bul isti muqiiat tekserý mindetteldi.
Memleket basshysy sózinde qyz alyp qashý faktisine de erekshe toqtaldy. Prezidenttiń aitýynsha, qyz alyp qashý – adam urlaý bolyp sanalady jáne bul ulttyń bedeline nuqsan keltiretin óreskel ári jabaiy qylmys.
«Ondai qatigezdikke eshqashan jol berýge bolmaidy. Zań men tártip – bárine ortaq. Árbir azamat zań talaptaryn buljytpai oryndaýǵa tiis», – dedi Prezident.
Sondai-aq Memleket basshysy qoǵamda azamattyq jaýapkershiliktiń artyp kele jatqanyn atap ótip, zańnamalyq ózgerister de soǵan sai júrgizilýi kerektigin jetkizdi.
