Memleket basshysy Qasym-Jomart Toqaev shahmatshy Jansaia Ábdimálikti FIDE Gran-priindegi tamasha jeńisimen quttyqtady. Bul týraly QR Prezidentiniń baspasóz hatshysy Berik Ýáli Facebook-tegi paraqshasynda jazdy, dep habarlaidy "Ult aqparat".
«Memleket basshysy Jansaia Ábdimálikti FIDE Gran-priindegi tamasha jeńisimen quttyqtady. Qasym-Jomart Toqaev bul jeńistiń barshamyz úshin zor maqtanysh ekenin aitty.
Jansaia – erler arasyndaǵy grossmeister ataǵyna qol jetkizgen tuńǵysh qazaqstandyq shahmatshy qyz. Onyń jetistigi elimizde osy sporttyń damýyna tyń serpin bereri sózsiz», delingen jazbada.
Eske sala ketsek, shahmatshy Jansaia Ábdimálik erler arasyndaǵy halyqaralyq grossmeister atandy. 22 mamyr men 2 maýsym aralyǵynda ótip jatqan áielder arasyndaǵy FIDE Gran-priiniń aqtyq kezeńinde jaqsy nátije kórsetkeni úshin osyndai ataqqa ie boldy.
