Foto:t.me/bort_01
Abai óńirine jumys sapary barysynda Memleket basshysy Qasym-Jomart Toqaev birqatar tapsyrma berdi, - dep habarlaidy Tengrinews.kz agenttigi Prezidenttiń baspasóz qyzmetine silteme jasap.
"Semei qalasynyń infraqurylymy ábden tozǵan. Jazda ystyq sý joq, al qysta úiler jylynbaidy. Qaladaǵy jylý elektr ortalyǵynan shyǵatyn ziiandy qaldyqtar aýany shekten tys lastap jatyr. Bul máselelerdi túpkilikti sheshetin ýaqyt jetti.
Sondyqtan, Úkimetke ákimdikpen birlesip, Semeide zamanaýi jylý elektr ortalyǵyn salý jáne infraqurylymdy jańartý máselesin qarastyrýdy tapsyramyn. Joba halyqtyń turmys sapasyna, sondai-aq óńir ekologiiasyna oń yqpalyn tigizetini anyq", - dedi Prezident.
Qasym-Jomart Toqaev óńirdegi joldardyń sapasyna da nazar aýdardy.
"Abai oblysy toǵyz joldyń torabynda tur, Reseimen, Qytaimen shektesip jatyr. Osy múmkindikti utymdy paidalaný úshin joldarymyz sapaly ári qaýipsiz bolýy kerek.
Elimizdiń kólik áleýetin damytý úshin Baqty arqyly Qytaiǵa baratyn temirjol jelisin salýdy josparlap otyrmyz. Bul temirjoldy mindetti túrde salýymyz kerek. Úkimet osy máselemen ainalysady. Óńirde "qurǵaq port", "logistikalyq park" salyp, kólik dálizin damytý qajet.
Halyqaralyq mańyzy bar kúre jol Semei arqyly ótedi. Sondyqtan, eń aldymen, qaladaǵy eki kópirdi jóndeý qajet. Biyl munda jańa kópirdiń qurylysy bastaldy. Úkimet oblys ákimdigimen birlesip, ony úsh jylda salyp bitirýge tiis. Sondai-aq, aspaly kópirge kúrdeli jóndeý júrgizýdi tapsyramyn".
Sondai-aq, Memleket basshysy bilim básekege qabiletti jáne tabysty ult bolýdyń basty kepili ekenin basa aitty.
"Qazir elimizde "Jaily mektep" ulttyq jobasy qolǵa alynyp jatyr. Abai oblysyndaǵy mektepterde 9 myńǵa jýyq balaǵa oryn jetispeidi. Aldaǵy ýaqytta 11 mektep jáne 14 balabaqsha salý josparlanǵan. Biraq, munyń ózi jetkiliksiz. Úkimet pen ákimdikke oblys mektepterindegi oryn tapshylyǵy máselesin birjola sheshýdi tapsyramyn".
