Memleket basshysy «Aqorda» rezidentsiiasynda jazýshy-dramatýrg Roza Muqanova men Filosofiia, saiasattaný jáne dintaný institýtynyń direktory Aqan Bijanovty qabyldady, – dep habarlaidy Aqorda.
Roza Muqanova Memleket basshysyna Qazaq ulttyq óner ýniversitetiniń jas mamandardy daiarlaý baǵytynda atqaryp jatqan jumystary jaiynda aitty. Áńgimelesý barysynda otandyq dramatýrgiia men teatr ónerin damytýdyń ózekti máseleleri talqylandy.
Aqan Bijanov Prezidentke Filosofiia, saiasattaný jáne dintaný institýtynyń jumysy týraly baiandap, Qazaqstan ǵylymynyń, ideologiiasy men mádenietiniń qazirgi ahýaly men damý perspektivalary jónindegi oi-pikirimen bólisti.
Sonymen qatar kezdesý kezinde ál-Farabidiń 1150 jáne Abaidyń 175 jyldyq mereitoilaryn ótkizýge daiyndyq máseleleri sóz boldy. Qasym-Jomart Toqaev Qazaqstandy áleýmettik-saiasi jańǵyrtý, sondai-aq, óskeleń urpaqtyń boiynda ulttyq qundylyqtardy qalyptastyrý barysynda ál-Farabi men Abaidyń ǵylymi jáne rýhani muralaryn negizge alýdyń mańyzdy ekenin atap ótti.
