Qasym-Jomart Toqaev Petropavldaǵy «Alageum Electric» elektrotehnika zaýytyna bardy, dep habarlaidy "Ult aqparat" Aqordaǵa silteme jasap.
Zaýyttyń qurylysyna 10 milliard teńge investitsiia salynǵan. Jobalyq qýaty boiynsha kásiporyn jylyna 13 myń transformator shyǵarady dep josparlanǵan. Shyǵarylatyn ónimniń 98 paiyzy TMD elderine eksporttalady.
Kásiporyn eńbekkerleri, sonyń ishinde ońtústik óńirden kóship kelýshiler jeńildikpen turǵyn úi alý múmkindigine ie. Tálimgerlerge oqýǵa jáne keiin jumysqa ornalasýǵa jaǵdai jasalady.
Kezdesý sońynda Qasym-Jomart Toqaev eńbek ujymymen áńgimelesti. Prezident kásiporynnyń jumysy men onyń eksporttyq áleýetine joǵary baǵa berdi. Memleket basshysy zaýyttyń tabysty dami beretinine senim bildirip, otandyq ónim óndirýshilerge Úkimet tarapynan jan-jaqty kómek kórsetiletinin aitty.
