Memleket basshysy Qasym-Jomart Toqaev Qazaqstannyń ońtústik jáne batys óńirlerin damytýǵa arnalǵan áleýmettik jáne biznes baǵdarlamasyn qaita qaraýdy júktedi, dep habarlaidy QazAqparat.
«Qazaqstannyń óńirleri birdei deńgeide damyp jatqan joq. Sonyń saldarynan keibir óńirlerde áleýmettik olqylyqtar baiqalady. Sońǵy kúnderi bolǵan eldegi jaǵdai batys jáne ońtústik óńir halqyn eńbekpen qamtý deńgeiiniń tómendigin kórsetti. Atalǵan óńirlerde bala týý deńgeii joǵary, al ekonomika óńir turǵyndaryn jumyspen qamtyp úlgere almai jatyr. Sondyqtan da batys jáne ońtústik oblystardyń áleýmettik problemasy óńirlik emes ulttyq másele bolyp otyr. Áleýmetten bólek, densaýlyq saqtaý, bilim men mádenietti de umytpaý kerek», - dedi Qasym-Jomart Toqaev.
Memleket basshysynyń aitýynsha, bilimdi ult kez kelgen básekelestikke tótep bere alady.
«Osy oraida Úkimetke elimizdiń ońtústik jáne batys óńirleri úshin «Aýyl – el besigi», biznestiń jol kartasy jáne taǵy sol siiaqty jeke baǵdarlama ázirleýdi tapsyramyn. Jalpy óńirlerdiń damýy men qoldaý ákimderge bailanysty», - deidi ol.
