Azamattarymyz áleýmettik jelilerde Memleket basshysynyń buǵan deiin qazaqstandyq vaktsina saldyramyn dep, biraq ony kútpei, «Spýtnik-V» ekpesin alǵany jóninde suraqtar qoiýda. Bul týraly QR Prezidentiniń baspasóz hatshysy Berik Ýáli Facebook paraqshasynda jazdy, dep habarlaidy "Ult aqparat".
«Prezidenttiń árqashan da otandyq ónimdi qoldaitynyn senimdi túrde aita alamyn. Qasym-Jomart Toqaev Qaraǵandyda shyǵarylǵan vaktsinany saldyrdy jáne bizdiń ǵalymdarǵa tolyq senedi. Qazaqstandyq vaktsina óndirisi iske qosylǵannan keiin Memleket basshysy Jambyl oblysyna baryp, kásiporynnyń jumysymen arnaiy tanysýdy josparlap otyr. Prezident kelesi joly koronavirýsqa qarsy otandyq ekpeni saldyrýǵa nietti.
Prezident koronavirýsqa qarsy kúreste halyqty jappai vaktsinatsiialaýdan basqa balama joq ekenine senimdi», dep atap ótken óz jazbasynda Berik Ýáli.
