Foto: Aqorda
Prezident Qasym-Jomart Toqaev Astana qalasy boiynsha Adam quqyqtary jónindegi ýákildiń ókili Baian Jalmaǵanbetovany qabyldady, dep habarlaidy Ult.kz.
Kezdesýde adam quqyqtaryn qorǵaý, ásirese múmkindigi shekteýli jandarǵa qolaily jaǵdai jasaý máseleleri talqylandy. Baian Jalmaǵanbetova Memleket basshysyna osy baǵyttaǵy birqatar usynysyn jetkizdi.
Prezident 2023 jyldyń jeltoqsanynda Adam quqyqtary men zań ústemdigi salasyndaǵy is-qimyl jospary bekitilgenin eske salyp, ombýdsmender men olardyń ókilderi bul qujatty iske asyrýda mańyzdy ról atqaratynyn aitty.
Qasym-Jomart Toqaev azamattyq belsendiligi úshin Baian Jalmaǵanbetovaǵa rizashylyǵyn bildirip, elorda basqa óńirler úshin úlgi bolatynyn, sondyqtan bul qyzmetke erekshe jaýapkershilik júkteletinin atap ótti.
Sondai-aq, Prezident múmkindigi shekteýli jandardyń máselelerin sheshýde ákimdik pen ministrlikterdiń, sondai-aq úkimettik emes uiymdardyń kúshin biriktirý mańyzdy ekenin aitty.
