QR Prezidenti Qasym-Jomart Toqaev áigili La-Mansh buǵazyn júzip ótken Ánel Sytdyqovany quttyqtady, dep habarlaidy "Ult aqparat".
«Sportshy qyzymyz Ánel Sytdyqova Qazaqstannyń tarihynda tuńǵysh ret jáne álemde alǵashqylardyń biri bolyp, La-Mansh buǵazyn júzip ótti. Myqty erik-jiger men has sheberliktiń keremet úlgisin kórsettiń. Jaraisyń, Ánel!», - dep jazdy Memleket basshysy Twitter-de.
Buǵan deiin habarlaǵanymyzdai, Batys Qazaqstan oblysynyń týmasy Ánel Sytdyqova Frantsiianyń soltústigi men Britaniia araldarynyń ońtústik-shyǵysyn jalǵap jatqan La-Mansh buǵazyn gidrokostiýmsiz júzip ótti. Ol 38 shaqyrymdy 15 saǵat 15 minýtta eńsergen.
Birneshe kúnnen keiin Ánel Almatyǵa kelip, ony qazaqstandyqtar áýejaidan kútip aldy.
Búginde Á. Sytdyqova otbasymen Angliiada turady. 9 jyl buryn túrli elderde triatlon jarystaryna qatysa bastady. Nátijesinde álemniń eń úzdik sportshylarynyń qataryna endi. Ol mektepti Oral qalasynda bitirip, joǵary oqý ornyn Almatyda úzdik aiaqtaǵan. Keiin London ýniversitetin támamdady. Joldasy Nurlanmen birge úsh balany tárbielep otyr. Sportshy kelinshek «Qazaqstannyń temir áieli» titýlyna ie. Ol Qazaqstan áielderi arasynda alǵashqy Aironmen (Ironman) jáne alǵashqy Ýltramen (Ultraman).
Atap ótilgendei, TMD elderinde onyń jetistigine áli eshkim jetken joq.
