Qarýly kúshterimizdiń, quqyq qorǵaý qurylymdarymyzdyń jumysyn qaita qurý qajet. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Ulttyq qaýipsizdikti qamtamasyz etýdiń barlyq júiesin túbegeili qaita qurý syndy strategiialyq mindetke erekshe toqtalǵym keledi. Qarýly kúshterimizdiń, quqyq qorǵaý qurylymdarymyzdyń, Ulttyq qaýipsizdik organdarymyzdyń, syrtqy barlaý qyzmetterimizdiń jumysyn qaita qurý qajet. Olardyń barlyǵy bir maqsat – kez kelgen sipattaǵy jáne aýqymdaǵy qater kezinde azamattarymyzdy, konstitýtsiialyq qurylymdy, egemendikti barynsha tiimdi qorǵaý úshin jumyla jumys isteýi tiis. Muny memleketimizdiń túbegeili múddesi talap etedi», - dedi Májilis otyrysyna beinebailanys arqyly qatysqan Qazaqstan Prezidenti.
