Qasym-Jomart Toqaev memleket jáne qoǵam qairatkeri Sultan Sartaevtyń otbasyna kóńil aitty, dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaev kórnekti memleket jáne qoǵam qairatkeri, tanymal ǵalym, Qazaqstan Ǵylym akademiiasynyń akademigi, zań ǵylymdarynyń doktory Sultan Sartaevtyń dúnieden ótýine bailanysty onyń otbasy men jaqyndaryna kóńil aitý jedelhatyn joldady.
– Sultan Sartaiulynyń dúnieden ótýi týraly sýyt habardy kúizelispen qabyldadym. S.Sartaev Táýelsiz Qazaqstan Konstitýtsiiasynyń negizin qalaýshylardyń biri boldy. Elimiz egemendik alǵan tusta otandyq zańnamanyń qalyptasýyna, demokratiialyq qundylyqtardyń ornyǵýyna mol eńbek sińirdi. Sońyna jarqyn iz, óshpes mura qaldyrdy, – dep jazylǵan jedelhatta.
Qasym-Jomart Toqaev Sultan Sartaevtyń eline sińirgen eren eńbegin, ónegeli ómirimen halyqtyń shynaiy qurmetine ie bolǵan jan ekenin, sondai-aq, asyl azamattyń ómir joly keiingi urpaqqa úlgi bolatynyn atap ótken.
