«Ult múddesi» baǵdarlamasynda QR Prezidentiniń Ekonomikalyq damý máseleleri jónindegi keńesshisi Ser Sýma Chakrabarti klimattyń qubylýy da ekonomikaǵa pandemiiadan kem soqpaityn zardap ákelýi múmkin ekenin aitty, dep habarlaidy QazAqparat.
«Pandemiiadan bólek klimattyq ózgeristerdi nazarda ustaýymyz kerek. 20 jyl buryn bul taqyryp eshkimdi de alańdatpaityn. Qazir báriniń nazary klimatta. Ár el óz álinshe zerttep jatyr. Halyqaralyq Valiýta Qory, Dúniejúzilik bank siiaqty qarjy alpaýyttary Qazaqstandy da, basqa memleketterdi de jiti baqylap otyr. Klimattyń ózgerýine qalai áreket etip jatyr, tyǵyryqtan qalai jol tappaqshy degenniń bárin nazarda», - deidi Memleket basshysynyń keńesshisi.
Onyń aitýyna qaraǵanda, Úkimet osy turǵyda da tyńǵylyqty oillanyp, naqty sharalardy oilastyrý kerek.
«Árine, bul jańa synaq deýge bolady. Biraq Qazaqstan ekonomikasy ornyqty bolýy úshin bul synaq ta biz úshin qalypty qubylysqa ainalýy kerek. Bul ońai sharýa emes, biraq men Úkimet te, Prezident te klimat máselesine shyn máninde kóńil aýdaryp, naqty ainalysady dep senemin», - dedi Ser Sýma Chakrabarti.
