Tsifrlyq monitoring biznesti júrgizý turaqtylyǵyn qamtamasyz etedi. Bul týraly koronavirýs indetine qarsy is-qimyl jónindegi jiyn barysynda QR Prezidenti Qasym-Jomart Toqaev aitty, dep habarlaidy "Ult aqparat".
«Qarjy naryǵyn retteý jáne damytý agenttigi men Ulttyq bankke ekonomikanyń zardap shekken sektorlaryndaǵy shaǵyn jáne orta biznestiń kreditteri boiynsha tólemderin keiinge shegerý múmkindikterin pysyqtaýdy tapsyramyn», - dedi QR Prezidenti.
Sonymen qatar Memleket basshysy birinshi kezekte sáýirde jappai vaktsinalaý jolymen Úkimet pandemiiaǵa qatysty jaǵdaidy ońtaily ete alatynyna úmit arta kele, mamyr aiynan bastap shaǵyn jáne orta biznes sýbektileri qyzmetine, onyń ishinde qyzmet kórsetý salasyndaǵy shekteýlerdi birtindep alyp tastaýǵa kirisýge bolatynyn jetkizdi.
Qasym-Jomart Toqaevtyń sózine qaraǵanda, tsifrlyq sheshimderdi paidalanýdy jedeldetý kerek. Bul óz kezeginde karantindik shekteýler jaǵdaiynda halyqtyń mobildigin saqtaýǵa múmkindik beredi. Tsifrlyq monitoring biznesti júrgizý turaqtylyǵyn qamtamasyz etedi, ásirese qyzmet kórsetý men riteil salasynda.
Sonymen qatar Prezident ASHYQ jobasyn masshtabtaý biznestiń ǵana maqsaty emes ekenin aitty.
«Úkimet aldynda júieni keńeitý men belsendi engizýdi qamtamasyz etý mindeti tur. Sonymen birge, tiisti normativtik bazany qurý mańyzdy», - dedi Memleket basshysy.
