Kezdesý barysynda Prezidentke biylǵy atqarylǵan jumys qorytyndylary, koronavirýs pandemiiasynyń otandyq bizneske tigizgen áseri týraly baiandaldy, dep habarlaidy Aqorda.
Rýstam Júrsinovtiń aitýynsha, osy jyly biznes-ombýdsmenniń keńsesine 3912 ótinish túsken. Bul byltyrǵy osy kezeńmen salystyrǵanda 15 paiyzǵa az.
1463 ótinish kásipkerlerdiń paidasyna sheshilgen. Negizinen satyp alýlarǵa, jerge, salyqtarǵa, qurylysqa qatysty másele jii kóterilgen.
Qasym-Jomart Toqaevqa «basynan bastap» retteý tetigin engizý jónindegi tapsyrmasynyń oryndalý barysy týraly málimet berildi.
Jańa retteý saiasatynyń bazalyq tásilderin belgileitin tiisti zań jobasy Parlament Senatynyń qaraýynda jatyr.
2024 jyldyń 1 qańtaryna deiin bizneske qatysty mindetti burynǵy talaptardyń bári tekseriledi.
Atalǵan sharalardyń túpki maqsaty – memleket pen biznes arasyndaǵy qatynastardy tolyqtai tsifrlandyrý.
Memleket basshysy Qazaqstan kásipkerleriniń quqyqtaryn qorǵaý jónindegi ýákil jumysynyń qorytyndylaryn oń baǵalap, bizneske qatysty ákimshilik quqyq buzýshylyqtardyń kóbeiý sebepterin anyqtaý jáne olardy joiý úshin sharalar ázirleý jóninde birqatar tapsyrma berdi.
