Memleket basshysy Qasym-Jomart Toqaev Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnovany qabyldady, dep habarlaidy Aqorda.
Qazaqstan Prezidentine Esep komitetiniń tóraǵasy vedomstvonyń 2020 jyly atqarǵan jumystarynyń negizgi nátijeleri men aldaǵy ýaqytta oryndaityn mindetteri jóninde málimet berdi.
Natalia Godýnovanyń aitýynsha, byltyr Esep komiteti 18 aýditorlyq jáne saraptamalyq-analitikalyq is-shara ótkizip, 47 trillion teńgeden astam qarjyǵa aýdit júrgizgen.
1,8 trillion teńgege deiingi biýdjet qarjysyn tiimsiz josparlaýǵa jáne jumsaýǵa bailanysty zań buzýshylyqtar 1,5 ese, 81 milliard teńgege deiingi qarjylyq zań buzýshylyqtar 2 ese ósken.
Qasym-Jomart Toqaevqa pandemiia kezinde ekonomikany qoldaý maqsatynda daǵdarysqa qarsy kúreske bólingen qarjynyń tiimdi jumsalýyn baqylaý jónindegi Memleket basshysynyń buǵan deiin bergen tapsyrmasynyń iske asyrylý barysy baiandaldy. Sondai-aq kvazimemlekettik sektordaǵy aktivterdiń tiimdi basqarylýyna júrgizilgen baǵalaý jumystary jaiynda aityldy.
Kezdesý sońynda Prezident Esep komitetiniń tóraǵasyna birqatar naqty tapsyrma berdi, atap aitqanda, memlekettik aýdit jáne qarjylyq baqylaý organdary qyzmetin jetildirýdi mindettedi.
