Prezident bastamalary memlekettik basqarý júiesine jańa tulǵalardy usyný platformasyna ainaldy. Mundai pikirdi QR Prezidentiniń keńesshisi Erlan Qarin aitty, dep habarlaidy "Ult aqparat".
«Prezident bastamalary - Ulttyq qoǵamdyq senim keńesi pen Prezidentti jastar kadrlyq rezervi memlekettik basqarý júiesine jańa tulǵalardy ilgeriletý platformasyna ainaldy. Aitalyq, qazirgi ýaqytta Ulttyq keńestiń 12 múshesi QR Parlamenti Májilisi depýtattyǵyna kandidattardyń partiialyq tizimi quramyna kirdi: «Aýyl» partiiasynan - Tóleýtai Rahymbetov pen Qýat Dáýren, «Aq jol» Qazaqstannyń demokratiialyq partiiasynan - Daniia Espaeva men Isa Qazybek, Qazaqstannyń halyq partiiasynan - Jambyl Ahmetbekov. Ulttyq keńestiń birqatar óńili «Nur Otan» partiiasynyń partiialyq tizimin tolyqtyrdy: Saiasat Nurbek, Qanat Nurov, Baqytbek Smaǵul, Berik Ábdiǵaliuly, Erlan Sairov, Aidos Sarym jáne Bekbolat Tileýhan», - dep jazdy ol Telegram paraqshasynda .
Sonymen qatar, ol buǵan deiin Ulttyq keńestiń birqatar múshesi memlekettik organnyń joǵary satylaryna taǵaiyndalǵanyn atap ótedi. Olardyń qatarynda QRTsifrlyq damý, innovatsiia jáne aeroǵarysh ónerkásibi ministri Baǵdat Mýsin, Shymkent qalasy ákiminiń birinshi orynbasary Shyńǵys Muqan, Qaraǵandy oblysy Ulytaý aýdanynyń ákimi Berik Ábdiǵaliuly, Aqparat jáne qoǵamdyq damý ministriniń keńesshisi Maksim Rojin, Eńbek jáne halyqty áleýmettik qorǵaý ministriniń shtattan tys keńesshisi Emin Áskerov bar.
«Óz kezeginde Prezidenttik jastar kadrlyq rezervi de is júzinde jastar men bilikti kadrlardy ilgeriletý úshin áleýmettik lifti retinde tiimdiligin kórsetip otyr. «Nur Otan« partiiasynan partiialyq tizimi boiynsha kandidattar qataryna rezervshiler - Rasýl Medetov, Tilektes Adambaev jáne Zúlfiia Súleimenova kirdi. Tolyqtai alǵanda 300 rezervshiniń 166-sy qazirgi ýaqytta memlekettik organdardyń jáne kvazmemlekettik kásiporyndardyń túrli pozitsiialaryna jumysqa ornalasty», - dedi Qarin.
