Memleket basshysy Qasym-Jomart Toqaev shaibaly hokkeiden QR Prezidenti kýbogynda jeńiske jetken elordalyq «Barys» komandasyn quttyqtady, dep habarlaidy "Ult aqparat".
«Barys hokkei komandasy halyqaralyq klýbtyq týrnirde dástúrge ainalǵan Prezident kýbogin utyp aldy. Hokkeishilerdi jáne jattyqtyrýshylardy tamasha jeńisterimen quttyqtaimyn!», - dep jazdy Q.Toqaev Twitter-de.
Eske salaiyq, shaibaly hokkeiden QR Prezidentiniń Kýbogyna arnalǵan 10-shy halyqaralyq týrnir elordada 7 tamyz kúni bastaldy. «Barys Arena» muz aidynynda jergilikti «Barys» pen Qazan qalasynyń «Ak Barsy» arasyndaǵy alǵashqy matchty Memleket basshysy Qasym-Jomart Toqaev baryp tamashalady.
Búgin, 11 tamyz kúni mereitoilyq týrnir máresine jetti. Onyń chempiony Nur-Sultan qalasynyń «Barys» komandasy boldy. Buǵan deiingi úsh kezdesýin de jeńispen aiaqtaǵan atalmysh klýb búgin Reseidiń «Salavat Iýlaev» komandasymen sheberlik baiqasty.
