Memleket basshysy Astana jáne Qazaqstan mitropoliti Aleksandrdy qabyldady, dep habarlaidy "Ult aqparat" Aqordanyń resmi saityna silteme jasap.
Kezdesýde Qasym-Jomart Toqaev Pravoslav shirkeýiniń Qazaqstanda birlik pen kelisimdi nyǵaitýǵa qosqan úlesin joǵary baǵalap, din salasyndaǵy memlekettik saiasat máselelerine toqtaldy.
Memleket basshysy Qazaqstan mitropolittik aimaǵynyń etnosaralyq jáne konfessiiaaralyq dialogty damytý, adamgershilik qundylyqtardy ilgeriletý jolynda aýqymdy jumys atqaryp jatqanyn atap ótti.
Prezident qyrkúiek aiynda Álemdik jáne dástúrli dinder kóshbasshylarynyń VII sezi ótetinin aitty. Onyń basty taqyryby – adamzattyń pandemiiadan keiingi kezeńdegi rýhani jáne áleýmettik damýynda dini kóshbasshylardyń atqaratyn róli. Qasym-Jomart Toqaev Patriarh Kirilldiń atalǵan forýmǵa qatysýy jahandyq dinaralyq jáne órkenietaralyq dialogqa tyń serpin beretinine senim bildirdi.
Óz kezeginde, mitropolit Aleksandr Memleket basshysyna kezdesýge múmkindik bergeni úshin alǵys bildirip, Qazaqstan halqynyń igiligi jolyndaǵy jańǵyrýǵa baǵyttalǵan jasampaz reformalardy qoldaitynyn jetkizdi.
