Memleket basshysy arnaiy qurylym mamandarynyń eńbekaqysyn joǵarylatý kerektigin aitty, dep habarlaidy QazAqparat.
«Ishki ister ministrliginde arnaiy qurylym jáne ulttyq gvardiia quramynyń sanyn arttyrý qajet. Sonymen qatar olardyń daiyndyǵyn kúsheitý jumysyna da basym baǵyt berip, ishki jáne arnaiy qurylym, ásker, ulttyq gvardiiany qajetti materialdyq-tehnikalyq jabdyqtarmen qamtý da mańyzdy. Odan bólek arnaiy qurylym qyzmetkerleriniń jalaqysyn kóterý kerek», - dedi Qasym-Jomart Toqaev Májilis otyrysynda.
