Qasym-Jomart Toqaev Almatydaǵy rezidentsiiasynda Ulttyq qoǵamdyq senim keńesiniń múshelerimen birqatar kezdesý ótkizdi, dep habarlaidy "Ult aqparat" Aqordaǵa silteme jasap.
«Adam quqyqtary hartiiasy» qoǵamdyq qorynyń atqarýshy direktory Jemis Turmaǵambetovamen kezdesý barysynda azamattyq qoǵamnyń perspektivalary jáne quqyq qorǵaý uiymdarynyń memlekettik organdarmen ózara yqpaldastyq máseleleri talqylandy.
Áleýmettanýshy, «Strategiia» áleýmettik jáne saiasi zertteýler ortalyǵy» qoǵamdyq qorynyń basshysy Gúlmira Ileýova «Halyqtyń únine qulaq asatyn memleket» tujyrymdamasyn damytý jónindegi oi-pikirimen bólisti. Atap aitqanda, ol atalǵan tujyrymdamany júzege asyrýda áleýmettik zertteýlerdiń atqaratyn róli týraly aitty.
Sonymen qatar kezdesýde Qoǵamdyq keńester institýtynyń jumysy, joǵary oqý oryndaryna avtonomiia berý, meditsinalyq saqtandyrý júiesin engizý jónindegi usynystar qarastyryldy.
Almaty joǵary basqarý mektebiniń jáne «Aspandaý» ǵylymi-bilim berý qorynyń prezidenti Qanat Nurov áleýmettik-ekonomikalyq saiasat júrgizý, jekemenshik institýttar men qor naryǵyn damytý máselelerin qozǵady.
