QR Prezidenti Qasym-Jomart Toqaev Halyqaralyq balalardy qorǵaý kúnine orai «Almaty BalaFEST» qalalyq balalar festivaliniń qorytyndy is-sharasyna bardy, dep habarlaidy "Ult aqparat" Aqordaǵa silteme jasap.
Almatyda jumys saparymen júrgen Qasym-Jomart Toqaev balalardyń «Almaty BalaFest» shyǵarmashylyq festivaliniń qorytyndy is-sharasyna bardy.
Balalardy qorǵaý kúnine orai uiymdastyrylǵan bul merekelik sharanyń qorytyndy kezeńine 1 myń bala qatysty.
Botanikalyq baqta ótken qorytyndy is-shara «ART SPACE» aimaǵy, «Kitaptar qazynasy» kitap kórmesi, «ECO LAB» ekologiialyq aimaǵy, «Shahmat álemi» aimaǵy, «ROBO LAND» aimaǵy jáne «Jas órender» kontsert alańy siiaqty alańqailarǵa bólingen.
Prezident árbir alańqaidaǵy jeńimpazdardyń ónerin tamashalap, olardyń jetistikterine rizashylylyǵyn bildirdi. Memleket basshysy jasóspirimdermen áńgimelesý barysynda olardy merekemen quttyqtap, balalar el bolashaǵy ekenin aitty.
Solardyń biri 11-synyp oqýshysy Mihail Shýt «Kitaptar qazynasy» kórmesinde «Alpamys batyr» jyryn jatqa oqyp berdi.
Is-shara sońynda bir ai boiy ártúrli jastaǵy jasóspirimder, onyń ishinde múmkindigi shekteýli balalar da qatysqan «Almaty BalaFest» festivaliniń jeńimpazdary marapattaldy. Jalpy ádebiet, beineleý óneri, sport, dekoravtivti-qoldanbaly óner, eko-baiqaý, vokal men horeografiia jáne IT salalary boiynsha ótken festivalde 300 myńnan astam bala baq synaǵan.
