Memleket basshysy áleýmettik kásipkerlik bastamasyna qoldaý bildirdi. Bul týraly Prezidentpen kezdesýden keiin kásipker Emin Áskerov málim etti, dep habarlaidy QazAqparat.
«Búgin Prezident áleýmettik kásipkerlermen kezdesti. Kezdesý barysynda kásipkerler áleýmettik máselelerdi qalai sheshetinin aityp berdi. Atap aitqanda, áńgime halyqtyń áleýmettik osal toptarynan shyqqan azamattardy jumyspen qamtý jáne basqa da máseleler týraly aityldy. Prezident bizdiń bastamalarymyzǵa belsendi túrde qoldaý bildirip, memleket biznespen qatar, áleýmettik máselelerdi sheshýge qatysatyn kásipkerlerge barlyq qoldaý kórsetiletinin aitty. Prezident sonymen qatar ústimizdegi jyldyń qazan aiynyń sońynda áleýmettik kásipkerler forýmyn uiymdastyrýǵa bolatynyn jetkizdi. Oǵan Memleket basshysy biznestiń osy salasyna serpin berý úshin qatysady», - dedi Emin Áskerov.
Onyń aitýynsha, Prezidentpen kezdesýge úsh áleýmettik kásipker qatysqan. Olarmen áńgime barysynda Qasym-Jomart Toqaev búkil el boiynsha áleýmettik kásipkerliktiń baǵytyn damytý qajettigin, memleket bul máseleni sheshetinin, iaǵni damýǵa jaǵdai jasaitynyn atap ótti.
Sondai-aq, kásipker kezdesý barysynda Memleket basshysyna áleýmettik kásipkerlerdiń problemalaryn kóterdi. Kásipkerdiń aitýynsha, mundai eki másele bar: tiisti ǵimarat pen áleýmettik kásipkerler úshin biryńǵai saýda núkteleriniń bolmaýy. Memleket mundai jumystardyń áleýmettik baǵdaryn eskere otyryp, jeńildetilgen sharttarmen úi-jailardy bere alady. Sondai-aq, áleýmettik kásipkerlerdiń kásipornynda shyǵarylatyn ónimderge arnaiy saýda núktelerin uiymdastyrýǵa bolady. E Áskerov atap ótkendei, Prezident Q.Toqaev kásipkerlerdiń ótinishterine oń jaýap qaitaryp, bul másele qaralatynyna ýáde bergen.
Eske salsaq, Memleket basshysy Qasym-Jomart Toqaev áleýmettik kásipkerlik ókilderimen kezdeskeni týraly buǵan deiin habarlaǵan bolatynbyz.
