Memleket basshysy Almaty qalasyna jumys saparynyń sońynda «Alatau Creative Hub» innovatsiialyq ortalyǵyna bardy. Nysan «Shetsiz qala» strategiiasyn júzege asyrý aiasynda byltyr jeltoqsan aiynda ashylǵan, dep habarlaidy Aqorda.
Ortalyqta kompiýterlik baǵdarlamalardy jasaýdy úirenýge, kreativti indýstriiany damytýǵa, shyǵarmashylyq áleýet pen virtýaldy ónerdi damytýǵa múmkindik bar. Jalpy munda túrli baǵyttar boiynsha 25 úiirme tegin jumys isteidi.
Prezidentke kitaphana, balalardyń oiyn alańy, vokal stýdiiasy, IT zerthana, elektr tehnikasy men robot tehnikasy zaldary, dástúrli mýzykaǵa arnalǵan mýltimediia ortalyǵy tanystyryldy.
Budan bólek Memleket basshysyna tsifrlandyrý quraldaryn qoldanýǵa, kreativti indýstriiany damytýǵa arnalǵan prezentatsiialar kórsetildi.
Almaty qalasynyń ákimi Baqytjan Saǵyntaev Prezidentke qalanyń kólik júiesin damytý jóninde baiandady.
Qasym-Jomart Toqaev ortalyq qyzmetkerlerimen jáne onda kelýshilermen áńgimelesip, sýretke tústi, sondai-aq olardyń jumysyna tabys tiledi.
