Foto: Aqorda
Memleket basshysy Úshtóbe qalasynda ornalasqan Kemel Toqaev atyndaǵy orta mektepke bardy, - dep habarlaidy Aqorda.
Qasym-Jomart Toqaevqa mektep direktory Lázzat Ispanova oqýshylardyń jetistikteri týraly aityp, jazýshy murajaiymen tanystyrdy.
1997 jyly qurylǵan mýzeige qalamgerdiń tutynǵan zattary, fotosýretteri, qujattary men kitaptary qoiylǵan.
"Prezidentke jazýshynyń ómiri men shyǵarmashylyǵyna arnalǵan ziiatkerlik oiyn jáne povesteriniń jelisi boiynsha shaǵyn qoiylym kórsetildi. Memleket basshysyna "Kemel Toqaev atyndaǵy qaiyrymdylyq qory" atqarǵan jumystar jóninde baiandaldy. Biyl Qordyń qurylǵanyna 15 jyl tolyp otyr", - delingen habarlamada.
