QR Premer-Ministri Álihan Smaiylov Úkimet otyrysynda «Samuryq-Qazyna» qorynyń memlekettik satyp alý sharalaryn retteýdi tapsyrdy, dep habarlady QazAqparat.
Úkimet basshysy Prezident Qasym-Jomart Toqaev memlekettik qoldaý sharalaryn kórsetý tásilderi men keibir damý institýttarynyń qyzmetin túbegeili qaita qaraýdy tapsyrǵanyn eske salyp, Ulttyq ekonomika ministrligine memlekettik organdarmen jáne «Atameken» kásipkerler palatasymen birlesip, shaǵyn jáne orta bizneske memlekettik qoldaý sharalaryn kórsetýdiń ashyq ári túsinikti mehanizmin barynsha qysqa merzimde daiyndaýdy júktedi.
«Úshinshi. Ulttyq ekonomika ministrligi Ulttyq bankpen jáne «Atameken» kásipkerler palatasymen birlesip, infliatsiiaǵa qarsy áreket etý sharalarynyń keshenin jańartyp, Qaýly jobasy Úkimetke engizsin.
Tórtinshi, «Samuryq-Qazyna» qorynyń satyp alý tártibin túbegeili qaita qaraý qajet. Munda bir kózden alý tásilimen memlekettik satyp alý úlesin qysqartý máselesin pysyqtaý kerek. Qarjy ministrligi atalǵan tásilmen memlekettik satyp alýdyń negizdiligi boiynsha tiisinshe baqylaýdy qamtamasyz etsin», - dedi Álihan Smaiylov.
Sondai-aq, ol «Samuryq-Qazyna» qoryn Qarjy ministrligimen, Básekelestikti qorǵaý agenttigimen birlesip, qor men onyń enshiles kompaniialarynyń satyp alýdy júzege asyrý protsesin bir qujat deńgeiinde qaita qaraýǵa mindettedi.
