QR Premer-Ministri Álihan Smaiylov Úkimet otyrysynda «Samuryq-Qazyna» qoryndaǵy kompaniialardyń qyzmetin reformalaýdy tapsyrdy, dep habarlady QazAqparat.
«Indýstriia ministrligi Ulttyq ekonomika ministrligimen jáne salalyq ministrliktermen birlesip bir ai merzimde óńdeý ónerkásibi salasynyń taldaý derekteri negizinde básekege qabiletti salalardaǵy jobalar pýlyn daiyndasyn», - dedi Úkimet basshysy.
Al «Samuryq-Qazyna» qorynyń jumysyn retteý úshin Ulttyq ekonomika ministrligi men Strategiialyq josparlaý agenttigine, «Atameken» kásipkerler palatasyna naqty usynys engizý qajet.
«Ulttyq ekonomika ministri múddeli memlekettik organdarmen, Strategiialyq josparlaý agenttigimen, «Samuryq-Qazyna» qorymen jáne «Atameken» kásipkerler palatasymen birge qor kompaniialary qyzmetiniń tiimdiligine taldaý júrgizip, ony reformalaý úshin naqty usynystar daiyndasyn», - dedi Álihan Smaiylov.
Sondai-aq, ol Úkimet otyrysynda ýtilizatsiialyq alym máselesin retteýdi 3 ministrlikke júktedi.
«Naqty sektor boiynsha mynadai mindetter tur. Birinshi, ýtilizatsiialyq alym máselesi boiynsha Ekologiia, Qarjy, Ulttyq ekonomika ministrlikterimen, basqa da múddeli memlekettik organdarmen jáne ulttyq kásipkerler palatasymen birlesip, naqty iske asyrý mehanizmderi men tiisti usynystar engizýdi tapsyramyn», - dedi Úkimet basshysy.
