2021 jylǵy 21-22 shildede QR Premer-Ministri Asqar Mamin Aqtóbe oblysyna jumys saparymen baryp, onyń barysynda óńirdiń áleýmettik-ekonomikalyq damýymen tanysty, dep habarlaidy primeminister.kz.
Úkimet basshysy «Aqtóbe» indýstriialyq aimaǵynda ornalasqan «Zerde-Keramika Aqtóbe» JShS zaýytyn aralady. Kásiporynnyń qýaty – jylyna 5 mln m² keramogranit pen keramikalyq plitka. Jobaǵa salynǵan investitsiia kólemi 9,2 mlrd teńgeni quraidy, ony osy jyldyń úshinshi toqsanynda paidalanýǵa berý josparlanǵan.
Kásiporynda 200-den astam jumys orny quryldy. A. Mamin óndiristik qýaty jylyna 122 rentgen apparaty men keshenin quraityn «Aqtóberentgen» AQ zaýytynyń jumysymen tanysty. Ónimniń bir bóligi Reseige, Ózbekstanǵa, Tájikstanǵa jáne Qyrǵyzstanǵa eksporttalady. Biyl memlekettik qoldaý sharalarymen Aqtóbe oblysynyń 3,3 myńnan astam ShOB sýbektisi qamtylady. Úkimet basshysy «PO Global-Spetsodejda» JShS tigin fabrikasynyń jumysymen tanysty, onda 200-ge jýyq adam jumys isteidi. Kásiporyn jyl saiyn 1,2 mln-ǵa deiin ónim shyǵarady.
Arnaiy kiimderdiń, qorǵanysh quraldarynyń, arnaiy kiimderdi shyǵarýǵa arnalǵan jylytqyshtardyń keń nomenklatýrasynyń óndirisi jolǵa qoiylǵan.
Premer-Ministr óńirdiń energetikalyq áleýetiniń damýyn tekserdi. A. Mamin «Aqtóbe JEO» AQ-ǵa bardy, onda qazirgi ýaqytta kádege jaratýshy qazandyǵy bar, qýaty 57 MVt gaz týrbinalyq qondyrǵysynyń qurylysy júrip jatyr. Jobany iske asyrý stantsiianyń qýatyn 175 MVt-qa deiin arttyrýǵa múmkindik beredi. Jumystardy 2021 jylǵy jeltoqsan aiynda aiaqtaý josparlanǵan.
Qarǵaly aýdanynyń Badamsha kentinde Asqar Mamin «Arm Wind» JShS jel elektr stantsiiasynyń jumysymen tanysty. Qazirgi ýaqytta jel elektr stantsiiasynyń ekinshi kezeginiń qurylysy júrgizilýde. Stantsiia jyl saiyn saǵatyna 100 MVt elektr energiiasyn óndiretin bolady. Investitsiia kólemi $85 mln quraidy, aiaqtaý merzimi – biylǵy jyldyń qyrkúiek aiy.
Asqar Mamin «Aqtóbe – Atyraý – Astrahan» respýblikalyq avtojolyn rekonstrýktsiialaý barysyn tekserdi. Biyl «Aqtóbe – Qandyaǵash» ýchaskesinde jol qozǵalysy ashylady, «Qandyaǵash – Maqat» avtojolynyń ýchaskesi osy jyldyń sońyna deiin paidalanýǵa beriledi. Premer-Ministr tas joldy qaita jańartý jumystaryn sapaly ári belgilengen merzimde aiaqtaýdy tapsyrdy.
Úkimet basshysy Aqtóbe qalasyndaǵy «Batys-2» shaǵyn aýdanynyń salyný barysymen tanysty, onyń qurylysyn 2025 jyly aiaqtaý josparlanyp otyr. Shaǵyn aýdannyń jalpy aýmaǵy 535 ga quraidy. Biyl óńirde 1 mln m² astam turǵyn úidi paidalanýǵa berý josparlanǵan.
Mártók aýdanynda Asqar Mamin «Milker» JShS jem-shóp túiirshikterin óndirý zaýytyn aralady. Investitsiialyq jobanyń quny 700 mln teńgeni quraidy, kásiporynnyń óndiristik qýaty – jylyna jońyshqa pisheninen 12 myń tonna túiirshiktelgen qurama jem. Daiyn ónim Qazaqstanda da, odan tys jerlerde de, atap aitqanda, Qytaida, Reseide, Iranda jáne Birikken Arab Ámirlikterinde zor suranysqa ie.
Sondai-aq QR Premer-Ministri A. Maminge Aqtóbe oblysynyń balyq salasyn damytýdyń 2030 jylǵa deiingi óńirlik baǵdarlamasy tanystyryldy. 10 jyl ishinde salaǵa 37 mlrd teńge jeke investitsiia tartý, 400-den astam jańa jumys ornyn qura otyryp, sharýashylyqtar sanyn 72 sýbektige deiin arttyrý josparlanǵan. «Green Capital Kazakhstan» JShS jylyjai keshenin aralaý barysynda Premer-Ministrge jylyjai ónimderin óndirý boiynsha qazirgi jaǵdai jáne osy salany odan ári damytý perspektivasy tanystyryldy.
Sońǵy úsh jylda Aqtóbe oblysynda 8 jańa jylyjai iske qosyldy. 2025 jylǵa deiin jalpy somasy 17 mlrd teńge bolatyn taǵy eki iri jobany iske asyrý kózdelgen. Bul jylyjai ónimderin óndirý kóleminiń 40%-ǵa ósýin qamtamasyz etedi dep kútilýde.
Biylǵy jyldyń 6 aiynyń qorytyndysy boiynsha Aqtóbe oblysynda ónerkásip óndirisiniń kólemi 2020 jyldyń sáikes kezeńimen salystyrǵanda 8,2%-ǵa – 997,2 mlrd teńgege deiin ósti.
Aýyl sharýashylyǵynyń jalpy óniminiń kólemi 116,9 mlrd teńgeni (+2,6%), qurylys jumystarynyń kólemi – 76,9 mlrd teńgeni (+5,4%) qurady, 366,5 myń sharshy metr turǵyn úi (+4,1%) paidalanýǵa berildi.
Negizgi kapitalǵa salynǵan investitsiialar ósimi 11,9% qurady, 292,8 mlrd teńge tartyldy. 2021 jyldyń sońyna deiin 125,7 mlrd teńge somasyna 31 investitsiialyq jobany iske asyrý josparlanýda.
