Búgin Úkimet otyrysynda Premer-Ministr Asqar Mamin qurylys materialdary salasyna qatysty jaýapty vedomstvo men ákimdikterge tapsyrmalar berdi, dep habarlaidy QazAqparat.
«Indýstriia ministrligi «Samuryq-Qazyna» qorymen, «Báiterek» holdingimen, «Atameken» kásipkerler palatasy jáne ákimdermen birlesip bir ai ishinde Qurylys indýstriiasy jobalaryn iske asyrý boiynsha 2025 jylǵa deiingi jol kartasyn ázirlesin», - dep tapsyrdy Mamin.
Sonymen qatar Indýstriia ministrligine «Báiterek» holdingimen birlesip, naryqta deldaldardyń jumysyna jol bermeý jáne qurylys materialdarynyń qunyn arzandatý úshin 2022 jylǵy 1 naýryzǵa deiin «Marketpleis» onlain alańyn paidalanýǵa engizý júkteldi.
«Indýstriia ministrligi Básekelestikti qorǵaý agenttigimen jáne ákimdiktermen birlesip, qurylys materialdary baǵasyn negizsiz ósirý faktileri boiynsha ýaqtyly sharalar qabyldap, únemi baqylaýdy qamtamasyz etsin», - dedi Úkimet basshysy.
