Memleket basshshysynyń Jarlyǵymen Ǵalymjan Qoishybaev Qazaqstan Respýblikasy Premer-Ministri Keńsesiniń Basshysy qyzmetine taǵaiyndaldy, dep habarlaidy QazAqparat Aqordaǵa silteme jasap.
«Ǵalymjan Telmanuly Qoishybaev Qazaqstan Respýblikasy Premer-Ministri Keńsesiniń Basshysy bolyp taǵaiyndalsyn», delingen qujatta.
Ǵalymjan Telmanuly Qoishybaev 1968 jyly 12 sáýirde dúniege kelgen.
M.V. Lomonosov atyndaǵy Máskeý memlekettik ýniversitetin bitirgen (1991);
M.V.Lomonosov atyndaǵy Máskeý memlekettik ýniversitetiniń Joǵary mektebi, filosof (1994).
Eńbek joly: «Kazzapselproekt» BJI korrektor (1985); Qazaqstan Respýblikasynyń Resei Federatsiiasyndaǵy Elshiliginde kómekshi, attashe, úshinshi, birinshi hatshy, keńesshi, ministr keńesshisi (1994-2004); Qazaqstan Respýblikasy Prezidenti Ákimshiliginiń Syrtqy saiasat ortalyǵynyń bas inspektory (2004-2006); Qazaqstan Respýblikasynyń Syrtqy ister ministrliginiń arnaiy tapsyrmalar jónindegi elshisi (2006-2008); Qazaqstan Respýblikasynyń Litva Respýblikasyndaǵy Tótenshe jáne Ókiletti Elshisi (2008 jyldan); Qazaqstan Respýblikasynyń Latviia, Estoniia Respýblikasy jáne Finliandiia Respýblikasyndaǵy Tótenshe jáne Ókiletti Elshisi qyzmetin qosa atqarýshy (2009 jyldan); Qazaqstan Respýblikasynyń Finliandiia Respýblikasyndaǵy Tótenshe jáne Ókiletti Elshisi, Qazaqstan Respýblikasynyń Estoniia Respýblikasyndaǵy Tótenshe jáne Ókiletti Elshisi qyzmetin qosa atqarýshy (2012-2016); Qazaqstan Respýblikasy Syrtqy ister ministriniń orynbasary (2016-2019).
