Aldaǵy 3 aida 6 mln adam vaktsina alady. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Qazirgi bizdiń basty mindetimiz – sanitarlyq-epidemiologiialyq jaǵdaidy turaqtandyrý jáne vaktsina alǵandardyń sanyn arttyrý. Osy baǵytta naqty jumys uiymdastyryldy. Ministrlik vaktsinatsiialaý boiynsha jospar ázirledi. Biylǵy sáýir, mamyr jáne maýsym ailar aralyǵynda óńirlerde ai saiyn 2 mln adamǵa vaktsina alý múmkindigi qamtamasyz etiledi», - dedi Úkimet basshysy.
Onyń atap ótýinshe, qyrkúiek aiynda 10 millionǵa jýyq vaktsinatsiialaýǵa jatatyn adamdarǵa vaktsina salýdy aiaqtaýdy josparlanyp otyr. Sodan keiin ujymdyq immýnitettiń jinaqtaýshy áseri kútiledi.
«Densaýlyq saqtaý júiesi dárilik zattar men meditsinalyq buiymdardyń qajetti kólemimen tolyq qamtamasyz etildi. Aýrýhanalarda dári-dármekterdiń ailyq qory bar. Al SK «Farmatsiia» qoimalarynda jáne dárihanalarda 2 ailyq qor jasalyndy. Sonymen qatar, barlyq óńirlerde 3 ailyq dári-dármekterdiń, jeke qorǵanys quraldar men shpritsteri bar turaqtandyrý qorlary quryldy. Jalpy Memleket basshysy Qasym-Jomart Kemeluly Toqaevtyń barlyq tapsyrmalaryn oryndaý boiynsha júieli jumys júrgizilýde», - dedi Asqar Mamin.
