Búgin Úkimet otyrysynda QR Premer-Ministri Asqar Mamin Ministrler kabineti men oblys ákimderine birqatar tapsyrma berdi, dep habarlaidy QazAqparat.
«Aldaǵy mereke kúnderi óńirlerdiń ákimderi barlyq qyzmetterdiń kezekshilik kestesin qatań saqtaýy qajet. Jylýmen jáne elektrmen jabdyqtaý turaqty bolýy kerek. Aldyn ala boljam boiynsha, qańtar aiynda qatty aiazdar kútilýde. Sonyqtan barlyq parametrler normalarǵa sáikes bolýy tiis. Ákimder jylytý maýsymyn jeke baqylaýda ustaýy kerek. Energetika ministrligine jylý ortalyqtaryndaǵy qazandyqtar men jaǵarmai stantsiialardaǵy otyn qoryn baqylaýdy tapsyramyn», - dedi Úkimet basshysy.
Sonymen qatar, Premer-Ministr Ishki ister ministrligine kúsheitilgen rejimde jumys istep, azamattardyń tynyshtyǵy men qaýipsizdigin qamtamasyz etýdi tapsyrdy.
«Jańajyldyq is-sharalar ótkizý oryndaryndaǵy órt qaýipsizdigi jáne qoǵamyq tártip máselelerine monitoring júrgizý qajet. Sonymen qatar, avtokólikterdiń joldaǵy qaýipsizdigi boiynsha aldyn alý sharalaryn ýaqytanda qabyldaý qajettiligin taǵy da eskertemin»,- dedi ol.
Osy oraida Asqar Mamin Ishki ister ministri Erlan Turǵymbaevqa bul máselelerdi baqylaýǵa alýdy tapsyrdy.
«Jalpy baqylaý Roman Vasilevich sizge júkteledi», - dedi Úkimet basshysy orynbasary Roman Skliarǵa qarata.
