Búgin Qazaqstan Táýelsizdiginiń 30 jyldyǵyn merekeleý aiasynda Chehiiadaǵy QR Elshiligi Ulttyq akademiialyq kitaphanamen (Nur-Sultan) birlesip, onlain formatta memlekettik organdardyń, ǵylymi-saraptamalyq toptar, BAQ ókilderiniń qatysýymen «Qazaqstan halqy Assambleiasy, turaqtylyq pen órkendeý faktory retinde» taqyrybynda dóńgelek ústel uiymdastyrdy. Bul týraly Qazaqstan Respýblikasynyń Chehiiadaǵy Elshiligi habarlady.
Diplomattar óz sózderinde Qazaqstan halqy Assambleiasynyń Qazaqstanda turatyn barlyq etnostardy biriktiretin biregei institýt ekendigin jáne búgingi kúni elimizde azamattarǵa óz mádenietin, dástúrleri men ádet-ǵuryptaryn saqtaý úshin barlyq jaǵdailar men teń múmkindikter jasalǵandyǵyn atap ótti. Sondai-aq Assambleianyń halyqaralyq qoǵamdastyqqa úlken yqpal etetindigin, barlyq etnos ókilderiniń aýqymdy jumysy beibitshilik, tynyshtyq pen turaqtylyqqa baǵyttalǵandyǵyn aitty.
Óz kezeginde professor, «Prajskie novosti» media kompaniiasynyń bas direktory Ales Flitcher: «Táýelsizdik jyldary ishinde Qazaqstan ekonomika salasynda aýqymdy nátijelerge qol jetkizdi. Árine, kóptegen elderde ókinishke orai jetispeitin turaqtylyq pen tynyshtyq, beibitshilik pen ultaralyq kelisim qýatty jáne órkendegen memleket qurýdyń myzǵymas negizi bolyp tabylady. Chehiia halqy bul elmen tikelei tanys, biz kópultty qazaq halqyna odan ári órkendeýdi shyn júrekten tileimiz», - dedi.
Chehiialyq basylymdardyń bas redaktorlary S.Plesnik pen R.Ianýsh óz baiandamalarynda: «Qazaqstan halqy Assambleiasynyń jumysynyń arqasynda elde etnosaralyq jáne konfessiiaaralyq kelisimniń biregei modeli qalyptasqandyǵyna basa toqtaldy.Olar «kez kelgen azamat eldiń etnikalyq nemese dini túrine qaramastan, azamattyq quqyqtar men bostandyqtardyń iegeri jáne olardy tolyq paidalanǵan bolsa, bul demokratiialyq júieniń mańyzdy elementi bolyp tabylatyndyǵyn» atap ótti.
Sondai-aq, dóńgelek ústelge qatysýshylar Qazaqstan memlekettiliginiń qalyptasý tarihy, Qazaqstan men Chehiia halyqtary arasyndaǵy dostyq qatynastardyń damýy, ekonomikanyń jekelegen salalarynyń qalyptasýy týraly óz pikirlerin bólisti. Is-shara barysynda ekijaqty qatynastardy nyǵaitý turǵysynan qazaqstan-cheh saýda-ekonomikalyq jáne mádeni-gýmanitarlyq yntymaqtastyqty damytý perspektivalary jáne basqa da máseleler talqylandy.
Bas qosý sońynda Chehiianyń eńbek sińirgen ártisi Feliks Slovachek qonaqtarǵa arnap saksofonda qazaq shyǵarmalaryn oryndady. Konferentsiiaǵa qatysýshylar Qazaqstan halqyn Táýelsizdiktiń 30 jyldyǵymen quttyqtap, elimizge órkendeý men sáttilik tiledi.
