Foto: Polisia.kz
Politsiia jol qozǵalysyn zańsyz shektegeni úshin jaýapkershilik týraly eskertedi, – dep habarlaidy "Ult aqparat" Polisia.kz portalyna silteme jasap.
"Memleket basshysy kez kelgen buzýshylyqqa “nóldik tózimdilik” kórsetý týraly naqty mindetterdi atap ótti, onyń ishinde zań men tártiptiń saqtalýyn qadaǵalaý.
Osyndai buzýshylyqtardyń bári ákimshilik jáne qylmystyq jaýapkershilikti kózdeidi. Aǵymdaǵy jyly politsiia qyzmetkerleri 16 myńnan astam usaq buzaqylyqty, 1700-den astam bótenniń múlkin búldirý derekterin anyqtady.
Qoǵamǵa degen qurmetsizdikti bildiretin, bótenniń múlkin joiý nemese búldirýmen qoǵamdyq tártipti óreskel buzǵany úshin 1,5 myńǵa jýyq adam qylmystyq jaýapkershilikke tartyldy.
Sońǵy ýaqytta qoǵam nazaryn aýdarý maqsatynda joldardy jabý derekteri kezdesedi. Alaida mundai aktsiialardy ótkizý zańsyz bolyp tabylady.
Máselen, keshe Almatyda “River Park” turǵyn úi kesheniniń turǵyndary jylýdy qosý talaptarymen Maqataev kóshesin jaýyp tastady. Bul áreketter qoǵamdyq tártipti óreskel buzý, jol júrisine kedergi keltirý, sondai-aq politsiia qyzmetkerleriniń zańdy talaptaryn oryndamaý bolyp sanalady.
Bul jaǵdaidy turǵyndar tiisti organdarmen jáne qyzmet kórsetetin uiymdarmen zań sheńberinde, sondai-aq miting uiymdastyrý týraly Zańnyń talaptaryn saqtai otyryp, ony aldyn ala jergilikti atqarýshy organǵa habarlaý arqyly sheshýi qajet bolatyn.
Osylaisha bul azamattar qoǵamdyq tártipti buzyp, basqa azamattarǵa qolaisyzdyq týǵyzdy.
Osyǵan bailanysty tórt azamatqa qatysty politsiia qyzmetkeriniń zańdy talabyna baǵynbaǵany úshin Ákimshilik quqyq buzýshylyq týraly kodekstiń 667-baby boiynsha ákimshilik hattamalar toltyryldy.
Aktsiianyń basqa toǵyz qatysýshysy kólik quraldarynyń júrisine kedergi jasaǵany úshin Kodekstiń 614-baby boiynsha ákimshilik jaýapkershilikke tartyldy.
Esterińizge sala keteiik, zańsyz narazylyq aktsiialaryn uiymdastyrý jáne ótkizý ákimshilik jáne qylmystyq jaýapkershilikke ákep soǵady", – dedi QR IIM ÁPK tóraǵasy Qaisar Sultanbaev.
